ބޮލީވުޑްގެ ކާމިޔާބު ޑައިރެކްޓަރ އަދި ޕްރޮޑިއުސަރ ސިދާރްތު ޕީ މަލްހޯތްރާ، އޭނާގެ ކުރިއަށް ހުރި ބޮޑެތި ޕްރޮޖެކްޓްތަކެއްގެ އުފާވެރި ޚަބަރު ފޭނުންނާ ހިއްސާކޮށްފިއެވެ.

ބޮލީވުޑް ނޫހަކަށް ދިން އިންޓަވިއުއެއްގައި ސިދާރްތު ހާމަކޮށްފައިވާ ގޮތުގައި، ގިނަ ބައެއްގެ މަޤުބޫލުކަން ހޯދި "އިއްކާ" ގެ ސީކުއެލްއަކާއި، ވެބް ސީރީޒް "ޝައްކު" ގެ ދެވަނަ ސީޒަނެއްގެ މަސައްކަތް މިހާރު ދަނީ ކުރިއަށެވެ.

މިއީ މި ދެ އުފެއްދުން ކަމުދިޔަ ފޭނުންނަށް ލިބިގެންދާނެ ވަރަށް އުފާވެރި ހަބަރެކެވެ.

މީގެ އިތުރުން، ޕަރިނީތީ ޗޯޕްރާ ލީޑު ރޯލުން ފެނިގެންދިޔަ "ޝައްކު" އަށް ބެލުންތެރިންގެ ފަރާތުން ލިބެމުންދާ ބޮޑު ތަރުހީބާ މެދު އޭނާ ވަނީ ވަރަށް ބޮޑަށް އުފާފާޅުކޮށްފައެވެ.

ސިދާރްތު ބުނި ގޮތުގައި، މި ޝޯ ރިލީޒްވުމަށްފަހު އޭނާއަށް ގިނަ ބައެއްގެ ފަރާތުން ތައުރީފުގެ މެސެޖުތަކާއި ކޯލްތައް ދަނީ ލިބެމުންނެވެ. އަދި ފަހަކަށް އައިސް މިހާ ގިނަ ކޯލްތަކެއް ނުލިބޭކަމަށް ބުނެ، ބެލުންތެރިންގެ ފަރާތުން ލިބުނު ލޯތްބަށް އޭނާ ވަނީ ޝުކުރު އަދާކޮށްފައެވެ.