ޕެރިސް ފެޝަން ވީކްގެ ތެރެއިން ބޮލީވުޑްގެ މަޝްހޫރު ތަރި އައިޝްވާރްޔާ ރާއީ ބައްޗަން އާ އަލުން ބައްދަލުވުމުން ލިބުނު އުފާވެރިކަން، މަޝްހޫރު ސީރީޒް 'ބްރިޖަޓަން' ގެ ތަރި ސިމޯން އޭޝްލީ ހާމަކޮށްފިއެވެ.

ލޯރިއަލް ޕެރިސްގެ ފަރާތުން ބޭއްވި މި ޚާއްޞަ ފެޝަން ޝޯގައި މި ދެ ތަރިންވެސް ވަނީ ރޭމްޕް މަތިން ފެނިގެންގޮސްފައެވެ.

ސިމޯން ބުނެފައިވަނީ އައިޝްވާރްޔާއަކީ އަބަދުވެސް އޭނާ ވަރަށް ބޮޑަށް އިހުތިރާމްކުރާ، އަދި ނަމޫނާއެއް ކަމަށް ދެކޭ ފަރާތެއް ކަމަށެވެ. އަދި ދުނިޔޭގެ ފެންވަރުގެ މިފަދަ ބޮޑު ޕްލެޓްފޯމެއްގައި އައިޝްވާރްޔާއާއެކު ވަގުތު ހޭދަކޮށްލަން ލިބުމަކީ އޭނާއަށް ލިބުނު ވަރަށް ބޮޑު ޝަރަފެއް ކަމަށް ވަނީ ބުނެފައެވެ.

މި ހިތްގައިމު އިވެންޓުގައި ސިމޯން އާއި އައިޝްވާރްޔާގެ އިތުރުން، ހޮލީވުޑްގެ މަޝްހޫރު ތަރި އީވާ ލޮންގޯރިއާ އާއި މޮޑެލް ކެންޑަލް ޖެނަރ ވެސް ވަނީ ބައިވެރިވެފައެވެ.

ލޯރިއަލްގެ ގްލޯބަލް އެމްބެސެޑަރުންގެ ގޮތުގައި މި ހުރިހާ ތަރިން އެއް ސްޓޭޖަކުން ފެނިގެން ދިއުމަކީ މި އަހަރުގެ ފެޝަން ވީކްގައި ފޭނުންގެ ސަމާލުކަން އެންމެ ބޮޑަށް ހުއްޓުނު އެއް ކަންތަކެވެ.