ޒަމާނީ ހިދުމަތްތަކާއެކު ތިނަދޫ ސިޓީގައި "ޒެޝްމީ" ސެލޫން ހުޅުވައިފި އެވެ.

އަންހެނުންނާއި ފިރިހެނުންނަށް ޚާއްޞަކޮށްގެން ހުޅުވި ޒެޝްމީ ސެލޫނަކީ، ރީތިވުމާއި ހަންގަނޑު ރައްކާތެރިކުރުމުގެ ޒަމާނީ ފަރުވާތައް ފޯރުކޮށްދިނުމަށް ހާއްސަ ތަނެކެވެ.

މި ސެލޫނުން ލިބޭ ހިދުމަތްތަކުގެ ތެރޭގައި ފޭޝަލްސް، ހެއާ ސްޓައިލްސް، މެނިކިއު އާއި ޕެޑިކިއު، މޭކަޕް, ހެއާ ކަލަރިން އަދި ހެއާ ރިބޮންޑިންގ، ރިލެކްސިންގ، ކެރެޓިން، އަދީ ހެއާ ޓްރީޓްމަންޓްސް ފަދަ ހިދުމަތްތައް ހިމެނެއެވެ. މީގެ އިތުރުންވެސް އެ ސެލޫނުން ވަނީ ކުޑަކުދިންނަށްވެސް ހާއްސަ އަގުތަކެއްގައި ހިދުމަތްތައް ތައާރަފްކޮށްފައެވެ.

މި ސެލޫނުން ތައާރަފްކުރި ހިދުމަތްތަކުގެ ތެރެއިން އެންމެ ފާހަގަކޮށްލެވެނީ "ހައިޑްރާ ފޭޝަލް" ގެ ހިދުމަތެވެ. ހައިޑްރާ ފޭޝަލް އަކީ، މޫނުގެ ހަންގަނޑު ސާފުކޮށްދީ، އެކްސްފޯލިއޭޓްކޮށް، ހަންގަނޑު ހައިޑްރޭޓް ކޮށްދޭ މެޑިކަލް ލެވެލް ފަރުވާއެކެވެ. މިއީ މީގެ ކުރިން މާލެއިން އެކަނި ލިބެންހުރި ހިދުމަތެއް ކަމުގައިވީނަމަވެސް، ޒެޝްމީ ސެލޫނުން މި ހިދުމަތް ތައާރަފްކުރުމާއެކު މުޅި ހުވަދުއަތޮޅުގެ ރައްޔިތުންނަށް މިކަމުގެ ލުއިފަސޭހަކަން ލިބިގެންދާނެ ކަމަށް އެ ސެލޫނުން ބުންޏެވެ.

ޒެޝްމީ ސެލޫނުންވަނީ އެ ސެލޫނުން ހިދުމަތްހޯދާ ކަސްޓަމަރުންގެ އަގުވަޒަންކޮށް އިތުބާރު ދެމެހެއްޓުމުގެ މަގްސަދުގައި ހާއްސަ ލޯޔަލްޓީ ކާޑު ތައާރަފްކޮށްފައެވެ.

މިގޮތުން ތަޢާރަފްކޮށްފައިވާ ލޯޔަލްޓީ ކާޑުތަކުގެ ތެރޭގައި ހިމެނެނީ:

• ހިރިގާ (ޕްލެޓިނަމް ކާޑު): 2،500 ރުފިޔާ
• އަކިރި (ގޯލްޑް ކާޑު): 1،500 ރުފިޔާ
• ފޮތިރާ (ސިލްވާ ކާޑު): 1،000 ރުފިޔާ

މި ކާޑުތަކަކީ އެކި ފަހަރު މަތިން ސެލޫނުން ވިޔަފާރިކޮށް، ކަނޑައެޅިފައިވާ އަދަދުތަކަށް ޚަރަދުކުރުމުން ކަސްޓަމަރުންނަށް ހިލޭ ދޫކުރާ ކާޑުތަކެކެވެ. މި ކާޑުތައް މެދުވެރިކޮށް ކުރިއަށް އޮތް ތަނުގައި ހިދުމަތްތަކުން ހާއްސަ ޑިސްކައުންޓްތަކާއި އެކި އިނާޔަތްތައް ލިބިގެންދާނެ ކަމަށް އެ ސެލޫނުން މައުލޫމާތު ދެެއެވެ.

ޒެޝްމީ ސެލޫންގެ އަންހެން ބްރޭންޑް އެމްބެސެޑަރުންނަށް ކަނޑައަޅާފައިވަނީ ރަފާ ކާމިލް އަދި މިސްކު ތަސްމީމް އެވެ. ފިރިހެން ބްރޭންޑް އެމްބެސެޑަރަކަށް ކަނޑައަޅާފައިވަނީ ނައުފަލް ނަސީމް އެވެ.

ޒެޝްމީ ސެލޫނުން ހިދުމަތް ހޯދުމަށް އެޕޮއިންޓްމަންޓް ހެއްދެވުމަށާއި އިތުރު މައުލޫމާތު ސާފު ކުރެއްވުމަށް 7434374 މިނަންބަރަށް ގުޅުއްވުމަށް އެ ސެލޫނުން އެދެއެވެ.