އިންޑިއާގެ މަޝްހޫރު ލަވަކިޔުންތެރިޔާ ޝްރެޔާ ގޯޝަލް އޭނާގެ އާ ސިންގަލް "ބައިރީ ޕިޔާ" ރިލީޒްކޮށްފިއެވެ.

މި ލަވަ ރިލީޒްކުރިކަން އިއުލާންކުރުމާއެކު، އޭނާގެ ފޭނުންނާއި މިއުޒިކަށް ލޯބިކުރާ ގިނަ ބަޔަކަށް ވަނީ ބޮޑު އުފާވެރިކަމެއް ލިބިފައެވެ.

ޝްރެޔާގެ ޖާދުވީ އަދި ހިތްގައިމު އަޑުން ކިޔާފައިވާ މި އާ ލަވައަކީ އަޑުއަހާލަން ފަސޭހަ، އަދި އަސަރުގަދަ ލަވައެއްކަމަށް ފޭނުން ދަނީ ސޯޝަލް މީޑިއާގައި ބުނަމުންނެވެ.

"ބައިރީ ޕިޔާ" އަކީ ޝްރެޔާ ގޯޝަލްގެ ކާމިޔާބު މިއުޒިކީ ކެރިއަރުގެ ފެށުމާ ގުޅިފައިވާ ނަމަކަށް ވުމާއެކު، މި އާ ސިންގަލްއިން ގިނަ ބަޔަކަށް ވަނީ މާޒީގެ ހަނދާންތަކެއްވެސް އާކޮށްދީފައެވެ.

އޭނާގެ ރީތި އަޑުން މުޅިން އާ ގޮތަކަށް ގެނެސްދީފައިވާ މި ލަވަ، މިހާރު ހުރިހާ މިއުޒިކް ސްޓްރީމިންގ ޕްލެޓްފޯމްތަކަކުން އަޑުއަހާލެވޭނެއެވެ.