މޫސުން ގޯސްވާނެކަމަށް ލަފާކޮށް ގއ. އަތޮޅުން ފެށިގެން ގދ. އަތޮޅަށް ވައިޓް އެލާޓް ނެރެފި އެވެ.

މޫސުމާ ބެހޭ ގައުމީ އިދާރާ (މެޓް އޮފީސް) އިން ބުނީ މިއަދުގެ މެނދުރު 13:45 ހާއިރުން ފެށިގެން 17:00 އާ ހަމައަށް މޫސުން ގޯސްވާނެ ކަމަށެވެ.

މެޓުން ބުނީ މި ވަގުތުތަކުގައި އެ ހިސާބުތަކަށް ބޯކޮށް ވާރޭވެހޭނެ ކަމަށެވެ. އަދި ވިލާގަނޑުގައި ގަޑިއަކު 35 މޭލަށް ވައިގަދަވާނެ ކަމަށް މެޓުން ލަފާކޮށްފައިވެ އެވެ.