ހަނގުރާމައިގެ ޖަރީމާތަކުގެ ތުހުމަތުގައި އިސްރާއީލުގެ ބޮޑުވަޒީރާއި އެގައުމުގެ ޑިފެންސް މިނިސްޓަރު ހައްޔަރުކުރުމުގެ އަމުރަކަށް އިންޓަނޭޝަނަލް ކްރިމިނަލް ކޯޓް (އައިސީސީ)ގެ ޗީފް ޕްރޮސެކިއުޓަރު އެދިފަ އެވެ.

އައިސީސީގެ ޕްރޮސެކިއުޓާ ކަރީމް ޚާން މިއަދު ވިދާޅުވީ، އޮކްޓޯބަރު މަހުގެ ހަތްވަނަ ދުވަހު ހަމާސް އިން އިސްރާއީލުގެ ދެކުނުގެ ސަރަހައްދަށް ދިން ހަމަލާއާއި އޭގެ ފަހުން އިސްރާއީލުން ޣައްޒާއާ ދެކޮޅަށް ކުރި ހަނގުރާމައިގައި ހިންގާފައިވާ ކަމަށް ތުހުމަތުކުރެވޭ ޖަރީމާތަކާ ގުޅިގެން އިސްރާއީލާއި ހަމާސްގެ ލީޑަރުން ހައްޔަރުކުރުމުގެ އަމުރަކަށް އޭނާގެ އޮފީހުން އެދިފައިވާ ކަމަށެވެ.

ކާން ވިދާޅުވީ އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ އާއި ޑިފެންސް މިނިސްޓަރު ޔޯވް ގަލަންޓް ހަނގުރާމައިގެ ޖަރީމާތަކާއި އިންސާނިއްޔަތާ ހިލާފު ޖަރީމާތަކުގެ "ޖިނާއީ ޒިންމާ" އުފުލަން ޖެހޭ ކަމަށް ގަބޫލު ކުރެވޭ އެކަށީގެންވާ ހެކިތަކެއް އޭނާގެ އޮފީހުގައި އެބަހުރި ކަމަށެވެ. އެގޮތުން ނަތަންޔާހޫ އާއި ޑިފެންސް މިނިސްޓަރު ޔޯވް ގަލަންޓް ހައްޔަރުކުރުމުގެ އަމުރަކަށް އިމްރާން ވަނީ އައިސީސީގައި އެދިފައި އެވެ.

މީގެ އިތުރުން ކާން ވަނީ ހަނގުރާމައިގެ ޖަރީމާތަކާއި އިންސާނިއްޔަތާ ޚިލާފު ޖަރީމާތަކުގެ ތުހުމަތުގައި ހަމާސްގެ ތިން ލީޑަރުން ކަމަށްވާ ޔަހްޔާ ސިންވާރާއި މުހައްމަދު ދިއާބް އިބްރާހިމް އަލް މަސްރީ (ނުވަތަ ޑެއިފް) އަދި އިސްމާއިލް ހަނިއްޔާ ހައްޔަރު ކުރުމުގެ އަމުރަކަށް ވެސް އެދިވަޑައިގެންފަ އެވެ.

ކާން ވިދާޅުވީ އިސްރާއީލުން ޣައްޒާގެ ހުރިހާ ސަރަހައްދެއްގެ މަދަނީ އާބާދީ އަށް އިންސާނީ ހައްގުތައް ގެއްލުވާލާފައިވާ ކަމުގެ ހެކި އޭނާގެ ޓީމަށް ލިބިފައިވާ ކަމަށެވެ.

އިސްރާއީލުން ޣައްޒާގައި ކުރަމުންދާ ހަނގުރާމައިގައި މިހާތަނަށް 35،562 މީހުން ޝަހީދުވެފައިވާ އިރު، އެހީދޭ އެޖެންސީތަކުން ވެސް ވަނީ ބަނޑުހައިހޫނުކަމާއި ތެލާއި ސިއްހީ ސާމާނުގެ ދަތިކަން ބޮޑުވެދާނެ ކަމުގެ އިންޒާރު ދީފަ އެވެ.