ޗަމްޕާ ބްރަދާސްއިން ރާއްޖޭގެ ރައްޔިތުންނަށް ހަދިޔާކުރި ކާށި، ފިޔާ އަދި ކަރާ ބެހުމުގެ މަސައްކަތް މިރޭ ފެށުމަށް ހަމަޖެހިފައިވާ ކަމަށް މާލެ ސިޓީ ކައުންސިލުން ބުނެފި އެވެ.

މާލެ ސިޓީ ކައުންސިލުން ބުނެފައިވަނީ، ޗަމްޕާ ބްރަދާސްއިން ހަދިޔާކޮށްފައިވާ ތަކެތީ މިރެއިން ފެށިގެން ކޮންމެ ރެއަކު 9:00 އިން ފެށިގެން 12:00 ދޫކުރަމުން ގެންދާނެ ކަމަށެވެ. އެތަކެތި ދޫކުރާނީ އައިޑީކާޑު ހިފައިގެން އައުމުން ކަމަށްވެސް ސިޓީ ކައުންސިލުން ބުނެއެވެ.

ޗަމްޕާ ބްރަދާސްއިން އިން ވަނީ 50،000 ކާއްޓާއި 50 ޓަނުގެ ކަރާގެ އިތުރުން 10 ޓަނުގެ ފިޔާ ރައްޔިތުންނަށް ހަދިޔާ ކުރުމަށް ސިޓީކައުންސިލާ ހަވާލުކޮށްފައެވެ.

ޗަމްޕާ ބްރާދާސްއިން ވަނީ މިދިޔަ އަހަރުވެސް ދިވެހިންނަށް ރޯދާ ހަދިޔާ ބަހާފައި އެވެ. އެގޮތުން މިދިޔަ އަހަރުވެސް މި ތަކެތި ބެހުމަށް ހަވާލުކުރީ މާލެ ސިޓީ ކައުންސިލާއި އެވެ.