ފުޅާދާއިރާއެއްގައި ވިޔަފާރި ކުރަމުން އަންނަ ދިވެހި ކުންފުންޏެއްކަމަށްވާ ޗަމްޕާ ބްރާދާސްއިން ދިވެހިންނަށް ރޯދަ ހަދިޔާގެ ގޮތުގައި ކާއްޓާއި ކަރަލުގެ އިތުރުން ފިޔާ ހަދިޔާކުރަން ނިންމައިފި އެވެ.

މައުލޫމާތު ލިބިފައިވާ ގޮތުގައި ޗަމްޕާ ބްރަދާސް އިން ހަދިޔާ ކުރާ ތަކެތީގެ ތެރެއިން ދިހަ ޓަނު ފިޔާ މިއަދު ސަރުކާރާއި ހަވާލު ކުރާނެއެވެ. އަދި ފަންސާސް ޓަނުގެ ކަރާގެ އިތުރުން ފަންސާސްހާސް ކާށި ރަމަޟާން މަހުގެ ދެވަނަ ދުވަހުގެ ކުރިން ސަރުކާރާއި ހަވާލު ކުރާނެއެވެ.

އެގޮތުން. މި ތަކެތި ހަވާލުކުރުމަށް ހަމަޖެހިފައިވަނީ ލޯކަލް ގަވަމެންޓް މިނިސްޓްރީއާއި އެވެ. އެގޮތުން މި ތަކެތި ބެހުމުގެ މަސައްކަތް ކުރާނީ އެމިނިސްޓްރީއިންނެވެ.

ޗަމްޕާ ބްރާދާސްއިން ބުނީ މިއަދު އެކުންފުނިން ސަރުކާރާއި ފިޔާ ހަވާލުކުރާނެ ކަމަށާއި ރޯދަމަސް ފެށުމުގެ ކުރިން ނުވަތަ ރޯދަމަހުގެ ދެވަނަ ދުވަހުގެ ކުރިން ކާއްޓާއި ކަރާވެސް ހަވާލުކުރެވިގެން ދާނެކަމަށެވެ.

މާލެއަށް މިތަކެތި ބަހަން ހަމަޖެހިފައިވަނީ މިދިޔަ އަހަރެކޭވެސް އެއްފަދައިން ދިވެހި ރައްޔިތެއްކަން އަންގައިދޭ ކާޑު ހިފައިގެން ދިޔުމުންނެވެ.

ޗަމްޕާ ބްރާދާސްއިން ވަނީ މިދިޔަ އަހަރުވެސް ދިވެހިންނަށް ރޯދާ ހަދިޔާ ބަހާފައި އެވެ. އެގޮތުން މިދިޔަ އަހަރު މި ތަކެތި ބެހުމަށް ހަވާލުކުރީ މާލެ ސިޓީ ކައުންސިލާއި އެވެ.