ސިނަމާލެ ޕާކިންގ ޒޯނުގައި އޮތް ކާރެއްގައި ރޯކޮށްލި މައްސަލާގައި ދެމީހަކު ހައްޔަރަށް!

މާލޭގައި ކާރެއްގައި ރޯކުރި މައްސަލައަކާއި ގުޅިގެން ދެމީހަކު ހައްޔަރުކޮށްފި އެވެ.

ފުލުހުން މިއަދު ބުނީ ބުރުޒު މަގު ސިނަމާލެ 1 ޕާކިންގ ޒޯނުގައި ޕާކު ކޮށްފައި އޮތް ކާރެއްގައި މިމަހުގެ 25 ވަނަ ދުވަހުގެ 18:25 ހާއިރު ރޯކޮށްލާފައިވާ ކަމުގެ މައުލޫމާތު ފުލުހުންނަށް ލިބުނު ކަމަށެވެ.

މިއާއި އެކު މި މައްސަލައާއި ގުޅިގެން ކޯޓު އަމުރެއްގެ ދަށުން ދެމީހަކު ހައްޔަރުކޮށްފައިވާ ކަން ހާމަކޮށް ފުލުހުްން މިއަދު ވަނީ އެމީހުންގެ ވަނަވަރާއި ފޮޓޯ އާންމުކޮށްފައެވެ.

މި މައްސަލައާއި ގުޅިގެން ހައްޔަރުކުރީ އދ ދަނގެތި , ބްލޫ ވިންޑް އުމުރުން 31 އަހަރުގެ ހަސަން ނަސީމް އާއި މާލެ, މ އަރާރަތްކުރި އުމުރުން 35 އަހަރުގެ ޚާލިދު މަހްމޫދު އެވެ.

ފުލުހުން ބުނީ މި މައްސަލަ އިތުރަށް ތަހުގީގު ކުރަމުންދާ ކަމަށެވެ.