އެޑިއުކޭޝަން މިނިސްޓްރީން ލޭ ހަދިޔާކުރުމުގެ ކޭމްޕެއް ފަށައިފި

މިނިސްޓްރީ އޮފް އެޑިޔުކޭޝަންގެ ރެކްރިއޭޝަން ކްލަބް "ތަޢުލީމީ ގުޅުން" އަދި މޯލްޑިވްސް ބްލަޑް ސަރވިސަސްއާ ގުޅިގެން 2024 އަދި 2025 ވަނަ އަހަރަށް ދެމިގެންދާނެ ލޭ ހަދިޔާކުރުމުގެ ކޭމްޕެއް މިއަދު ފަށައިފިއެވެ.

މިނިސްޓްރީން ބުނީ މި މުހިންމު އިސްނެގުމުގެ މައިގަނޑު މަޤްޞަދަކީ ޤައުމީ ފެންވަރުގައި ލޭ ހަދިޔާކުރުމުގެ މުހިންމުކަން އާންމުންގެ މެދުގައި އިތުރުކޮށް، ޤައުމީ ލޭ ބޭންކަށް ބޭނުންވާ ލޭ ހޯދުމަށް އެހީތެރިވުން ކަމަށެވެ.

30 އަދި 31 އޮކްޓޫބަރު އަށް މޯލްޑިވިއަން ބްލަޑް ސަރވިސަސްގައި މި ކޭމްޕް ކުރިއަށްދާނީ މެންދުރު 12:00 އިން ފެށިގެން ހަވީރު 18:30 އާ ހަމައަށެވެ.

މި ބުރުގައި މިނިސްޓްރީ އޮފް އެޑިޔުކޭޝަންގެ އެކި ސެކްޝަންތަކާއި ޑިވިޜަންތަކުގެ މުވައްޒަފުން ބައިވެރިވާނެއެވެ. އަދި މާލޭ ސަރަހައްދުގެ ސްކޫލުތަކުންވެސް ބައިވެރިފައިވެއެވެ.

ތަޢުލީމީ ގުޅުމުން ފާހަގަކުރެއްވި ގޮތުގައި މި ޕްރޮގްރާމަކީ މުވައްޒަފުންގެ މެދުގައި އިޖްތިމާޢީ ޒިންމާ އުފުލުމުގެ ރޫޙު އާލާކުރުމަށާއި، ޞިއްޙީ ދާއިރާއަށް އެހީތެރިވުމުގެ ގޮތުން ކުރިއަށްގެންދެވޭ އަގުހުރި މަސައްކަތެކެވެ.