އިޒްރޭލުގެ ނިރުބަވެރި ހަމަލާއެއް އަނެއްކާވެސް ޣައްޒާއަށް, މަރުވި މީހުންގެ އަދަދު 100 އަށް އަރާނެ ކަމަށް ބެލެވޭ - ރިޕޯޓް

ޔަހޫދީ އިޒްރޭލުން އަނެއްކާވެސް ޣައްޒާގައި އާއްމު ރައްޔިތުން ދިރިއުޅެމުން އައި އިމާރާތަކަށް ނިރުބަވެރި ހަމަލާއެއް ދީފި އެވެ.

މި ހަމަލާގައި މިހާތަނަށް 60 އަށް ވުރެ ގިނަ މީހުން ޝަހީދުވެފައިވާ ކަމަށް ވަނީ ރިޕޯޓްކޮށްފައެވެ. މި އަނިޔާވެރި ހަމަލާގައި ގިނަ އަދަދެއްގެ މީހުން ވަނީ ޒަހަމްވެފައެވެ. އަދި ހަމަލާގައި ޝަހީދުވި މީހުންގެ އަދަދު 100 އަށް އަރާނެ ކަމަށް ބެލެވޭ ކަމަށްވެސް ރިޕޯޓްކޮށްފައިވެއެވެ.

ޣައްޒާގެ ބެއިތް ލަހްޔާގައި ހުންނަ އިމާރާތަކަށް ދިން މި ހަމަލާގައި މިހާތަނަށް 62 މީހަކު ޝަހީދުވެފައިވާކަމަށް އަލް އަވްދާ ހޮސްޕިޓަލުން ވަނީ ކަށަވަރުކޮށްދީފައެވެ. އަދިވެސް ގިނަ އަދަދެއްގެ ބަޔަކު ވަނީ އެ އިމާރާތުގެ ކުނިތަކުގައި ތާށިވެފައެވެ.

މިހަމަލާގައި ޝަހީދުވި ގިނަ މީހުންނަކީ އަންހެނުންނާއި ކުޑަކުދިން ކަމަށް މީޑިއާތަކުން ރިޕޯޓްކޮށްފައިވެއެވެ.