--
ކަރިސްމާ ކަޕޫރާއި ކަރީނާ ކަޕޫރު ވަނީ ދާދި ފަހުން "ދަ ގްރޭޓް އިންޑިއަން ކަޕިލް ޝޯ" ގައި ބައިވެރިވެ އެ ދެ ތަރިންގެ ކުޑައިރުގެ ބައެއް ވާހަކަތައް ހިއްސާކޮށްފައިއެވެ.
އެގޮތުން އެދެތަރިންގެ ކާފަ، އަދި ތަޖުރިބާކާރު އެކްޓަރު އަދި ޑައިރެކްޓަރު ރާޖް ކަޕޫރާ ބެހޭ ގޮތުންވެސް ދެ ތަރިން ވަނީ ވާހަކަ ދައްކައިފައެވެ.
ކަރީނާ ބުނިގޮތުގައި ކަރިސްމާ އަކީ ރާޖް ކަޕޫރުގެ އެންމެ ފޭވަރިޓް ކާފަދަރިފުޅެވެ. ކަރީނާ އިތުރަށް ބުނިގޮތުގައި ރާޖް ކަޕޫރް ކަރިސްމާ ދެކެ އެންމެ ލޯބިވީ އެ ދެ މީހުންގެ ލޮލުގެ ކުލަ އެއްގޮތް ކަމުންނެވެ. ރާޖް ކަޕޫރާއި އެއްފަދައިން ކަރިސްމާގެވެސް ހުންނަނީ ނޫކުލައިގެ ލޮލެކެވެ. އަދި ކަރިސްމާއަކީ ރާޖް ކަޕޫރުގެ ފުރަތަމަ ކާފަ ދަރިފުޅުވެސްމެއެވެ.
ކަޕިލްއާ ވާހަކަ ދައްކަމުން ކަރިސްމާ ބުނިގޮތުގައި އޭނާގެ ފަހަތުން ތައިމޫރު އަދި ރަހާ ގެ ވެސް ލޮލޮގައި ހުންނަނީ ރާޖް ކަޕޫރުގެ ލޮލޮގެ ކުލައެވެ.
ރަހާ ކަޕޫރު އެންމެ ފުރަތަމަ އާންމުންނަށް ދައްކާލުމުން އެންމެ ބާރަށް ދެކެވުނު ވާހަކައަކީވެސް ރަހާގެ ލޮލުގެ ކުލައިގެ ވާހަކައެވެ.
ރާޖް ކަޕޫރުގެ އަންހެން ދަރިފުޅު ރިޓޫ ނަންދާ ލިޔެފައިވާ "ރާޖް ކަޕޫރު: ދަ ވަން އެންޑް އޮންލީ ޝޯމޭން" ފޮތުގައި ބަބީތާ ކިޔައިދިން ގޮތުގައި ކަރިސްމާ އުފަންވި ދުވަހު ރާޖް ކަޕޫރު ފިޔަވައި މުޅި އާއިލާ އޭނާއާއި އެކު ހޮސްޕިޓަލުގައި ތިއްބެއެވެ. އޭނާ ބުނިގޮތުގައި ރާޖް ކަޕޫރު ހޮސްޕިޓަލަށް އަންނާނެ ކަމަށް ބުނީ ކަރިސްމާގެ ލޮލުގައި ނޫކުލަ ހުރިނަމަ ކަމަށެވެ. އަދި ނަސީބަކުން ކަރިސްމާގެ ލޮލުގައި ހުރީ ގަދަ ނޫކުލަ ކަމަށް ބަބީތާ ބުންޔެވެ.
ފަހުގެ
