ދިވެހިރާއްޖެއިން ޢުމްރާއަށް މީހުން ގެންދިޔުމަސް އިތުރު 4 ކުންފުންޏަކަށް އިސްލާމިކް މިނިސްޓްރީން ހުއްދަ ދީފި އެވެ.

އިސްލާމިކް މިނިސްޓްރީން މިއަދު އާއްމުކުރި އިއުލާނެއްގައި ބުނެފައިވަނީ، ރާއްޖެއިން މީހުން އުމްރާއަށް ގެންދިޔުމަށް އިތުރު ހަތަރު ކުންފުންޏަކަށް އެމިނިސްޓްރީން ހުއްދަ ދީފައިވާކަމަށެވެ.

އެ ހުއްދައިގެ މުއްދަތަކީ 2 އަހަރު ދުވަސް ކަމަށް އެ މިނިސްޓްރީން ބުނެއެވެ.

މިއަދު އިތުރަށް ހުއްދަ ދީފައިވަނީ:

ޒާއިރު ޕްރައިވެޓް ލިމިޓެޑް

ރައުޟާ ޕްރައިވެޓް ލިމިޓެޑް

އުޙުދު ޙައްޖު އެންޑް ޢުމްރާ

އަލް މުސާފިރު ޕްރައިވެޓް ލިމިޓެޑް

އިސްލާމިކް މިނިސްޓްރީން މިއަދު ހުއްދަ ދިން 4 ކުންފުންޏާއެކު ރާއްޖެއިން މީހުން ޢުމްރާއަށް ގެންދިޔުމަށް ހުއްދަ ދީފައިވާ ކުންފުނީގެ އަދަދު 41 އަށް އަރައެވެ.