ހުޅުމީދޫ-ހިތަދޫ ބުރިޖު އަޅާނަން - ރައީސް ޔާމިން

ކުރިއަށް އޮތް ރިޔާސީ އިންތިހާބު ޕީޕީއެމް އަށް ކާމިޔާބުވެއްޖެ ނަމަ އައްޑޫސިޓީ ހުޅުމީދޫ އާއި ހިތަދޫ ގުޅާލުމަށް ބުރިޖެއް އަޅުއްވާނެ ކަމަށް ޕީޕީއެމްގެ ލީޑަރު އަދި ކުރީގެ ރައީސް އަބްދުﷲ ވައުދުވެވަޑައިގެންފި އެވެ.

ރައީސް ޔާމީން މިހެން ވިދާޅުވީ، އައްޑޫ ސިޓީ އަށް މިހާރު ކުރައްވަމުން ގެންދަވާ ދަތުރުފުޅުގެތެރެއިން އިއްޔެ ހަވީރު ހުޅުމީދޫ ރައްޔިތުންނާ ބައްދަލުކޮށް ވާހަކަފުޅު ދައްކަވަމުންނެވެ.

ޔާމީން ވިދާޅުވީ، ހުޅުމީދޫގެ ރައްޔިތުން ބޭނުންވާ ގޮތަށް ޕީޕީއެމްގެ ވެރިކަމެއްގައި ހުޅުމީދޫ އާއި ހިތަދޫ ބުރިޖަކުން ގުޅާލާނެ ކަމަށެވެ. އަދި ބައެެއްގެ ބާރުވެރިކަމުގެ ދަށުގައި ތިބެ ގެއްލިގެންދާ ހައްގުތައް ހޯދުމަށް ލޯކަލް ގަވާމަންޓްއާ ބެހޭ ގާނޫނަށް އިސްލާހުތަކެއް ގެންނަން ޖެހޭ ކަމަށްވެސް އެމަނިކުފާނު ވިދާޅުވި އެވެ.

އައްޑޫ ސިޓީ ގުޅިފައިވާ ރަށްތަކާއި ވަކިން އޮންނަ ހުޅުމީދޫއާއި ހިތަދޫ ބުރިޖަކުން ގުޅާލުމަށް ރައީސް ޔާމީން ވަނީ 2018ވަނަ އަހަރުގެ ރިޔާސީ އިންތިހާބުގެ މެނިފެސްޓޯގައިވެސް ހިމަނާފައެވެ.