ތެރަޕިއުޓިކް ދާއިރާއިން މެލޭޝިއާގައި ކިޔެވުމަށް 8 ސްކޮލާޝިޕް

ތެރަޕިއުޓިކް ދާއިރާއިން މަތީ ތައުލީމް ހާސިލް ކުރުމަށް ހަޔާ އެޑިއުކޭޝަނުން 8 ސްކޯލާޝިޕްގެ ފުރުސަތު ހުޅުވާލައިފިއެވެ.

ހަޔާ އެޑިއުކޭޝަން މިނިސްޓްރީއިން ކޮށްފައިވާ އިއުލާނެއްގައި ބުނެފައި ވަނީ މި ސްކޮލާޝިޕްއަކީ ތެރަޕިއުޓިކް ދާއިރާއިން މީހުން ބިނާކުރުމަށް ހުޅުވާ ފުރުސަތެއް ކަމަށެވެ. އެގޮތުން އެ ސްކޮލާޝިޕްތަކުގައި ކިޔެވުމަށް ހަމަޖެހިފައިވަނީ މެލޭޝިއާގައި ކަމަށްވެސް ބުނެފައިވެއެވެ.

ރާއްޖޭގެ 7 ހޮސްޕިޓަލަކުން ބައިވެރިވެވޭ ގޮތަށް ސްކޮލަރޝިޕްތައް ހުޅުވާލާފައިވަނީ މާސްޓާސް އޮފް އޮކިއުޕޭޝަނަލް ތެރަޕީ/ ޑިވެލޮފްމެންޓް ޑިސްއެބިލިޓީ އަދި މާސްޓާސް އޮފް އޯޑިއޮލޮޖީ އެންޑް ސްޕީޗް ކިޔަވަން ބޭނުންވާ 8 ދަރިވަރުންނަށް ކަމަށް މިނިސްޓްރީއިން ބުނެ އެވެ.

އެޕްލިކޭޝަން ހުށަހެޅޭނެ ހޮސްޕިޓަލްތަކަކީ:

ކުޅުދުއްފުށީ ރީޖަނަލް ހޮސްޕިޓަލް - 1

ގަން ރީޖަނަލް ހޮސްޕިޓަލް - 1

ޑރ. އަބްދުލްސަމަދު މެމޯރިއަލް ހޮސްޕިޓަލް - 1

އުނގޫފާރު ރީޖަނަލް ހޮސްޕިޓަލް - 1

އައްޑޫ އިކުއިޓޯރިއަލް ހޮސްޕިޓަލް - 1

ހުޅުމާލެ ހޮސްޕިޓަލް - 1

އިންދިރާ ގާންދީ މެމޯރިއަލް ހޮސްޕިޓަލް - 2

މިއީ ފުލް ފަންޑެޑް ސްކޮލާޝިޕްތަކެއް ކަމަށްވާއިރު، ސްކަލަޝިޕުގައި ބައިވެރިވެވޭނީ މިނިސްޓްރީއިން ކަނޑައަޅާފައިވާ ހޮސްޕިޓަލްތަކުން އެކަންޏެވެ.

މި ސޮކޯލާޝިޕަށް ޝައުގުވެރިވާ ދަރިވަރުން މި މަހުގެ 29 ވަނަ ދުވަހުގެ 13:30 ގެ ކުރިން ހަޔާ އެޑިއުކޭޝަން މިނިސްޓްރީގެ ޕޯޓަލް މެދުވެރިކޮށް ހުށަހެޅުމަށް އިއުލާނުގައި ބުނެފައި ވެއެވެ.