އައްޑޫ މީޑިއާ ސެންޓަރު ފަޅާލި މީހާގެ ބަންދަށް 15 ދުވަސް
އަލްފާ އަލީ
10/4/2022, 10:46:33 AM
big_xnYA2srY0vJIpJo8OUriIDH8A
އައްޑޫ ސިޓީ ހިތަދޫގައި ހުންނަ ޕީއެސްއެމްގެ މީޑިއާ ސެންޓަރު ފަޅާލައި ވައްކަން ކުރި މީހާގެ ބަންދަށް 15 ދުވަސް ޖަހައިފި އެވެ.
ފުލުހުން ބުނީ ހައްޔަރުކޮށްފައިވާ މީހާގެ ބަންދާ މެދު ގޮތެއް ނިންމުމަށް ހިތަދޫ މެޖިސްޓްރޭޓް ކޯޓަށް ހާޒިރުކުރުމުން އޭނާގެ ބަންދަށް ކޯޓުން ވަނީ 15 ދުވަސް ޖަހައިދީފައިވާ ކަމަށެވެ.
ތުހުމަތުގައި މިދިޔަ އާދިއްތަ ދުވަހު ފުލުހުން ހައްޔަރުކޮށްފައިވަނީ 32 އަހަރުގެ ދިވެހި ފިރިހެނެކެވެ.
ފުލުހުން އިތުރަށް ބުނި ގޮތުގައި މި މީހާއަށް އެހެން މައްސަލައެއްގައިވެސް ތުހުމަތުކުރެވެ އެވެ. ނަމަވެސް އެކަމުގެ މައުލޫމާތު ހިއްސާކޮށްފައެއް ނުވެ އެވެ.