1227451016
ސީރިޔާގެ ހަލަބް ޕްރޮވިންސްގައި ސީރިޔާ ސަރުކާރާއި ރަޝިޔާ ސިފައިން ދިން ބޮމުގެ ހަމަލާތަކެއްގައި ކުޑަކުއްޖަކު ނިޔާވެއްޖެއެވެ.
އެކުއްޖާ ނިޔާވީ މިދިޔަ ބުދަ ދުވަހު ސީރިޔާ ސަރުކާރު ސިފައިންނާއި ރަޝިޔާ ސިފައިން ދިން ބޮމުގެ ހަމަލާތަކެއްގައި ކަމަށް ސީރިޔާގެ ސިވިލް ޑިފެންސްއާ ހަވާލާދީ މީޑިއާތަކުން ރިޕޯޓުކޮށްފައިވެއެވެ.
އެހަމަލާތަކުގައި ނިޔާވި ކުޑަ ކުއްޖާގެ ބޭބެއަށްވެސް އެކި ވަރުގެ އަނިޔާ ލިބިފައިވާ ކަމަށް މީޑީއާ ރިޕޯޓުތައް ބުނެއެވެ.
"ސޫރިޔާގެ ހުޅަނގު އުތުރުގެ މުހިންމު ސަރަހައްދުތަކަށް އަމާޒުކޮށް ދިން ބޮމުގެ ހަމަލާތަކާއި، ޓެރަރިސްޓް އަމަލުތަކުގެ ސަބަބުން އާންމުންގެ ހަމަޖެހުމަށް ނުރައްކާއެބައޮތް. އެއީ އާންމު ރައްޔިތުންގެ މެދުގައި ބިރުވެރިކަން ފެތުރުމާއި އާންމު ދިރިއުޅުމަށް ހުރަސް އެޅުމުގެ މަގުސަދުގައި ރޭވިގެން ހިންގާ ސިޔާސަތެއް،" ވައިޓް ހެލްމެޓްސް އިން ނެރުނު ބަޔާނެއްގައި ބުންޏެވެ.
ސީރިޔާގެ ކުށެއް ނެތް ރައްޔިތުންނާ ދެކޮޅަށް އެގައުމުގެ ސަރުކާރާއި ރަޝިޔާ ސިފައިން ދެމުންގެންދާ ނުރައްކާތެރި ޓެރަރިޒަމްގެ ހަމަލާތަށް ނިމުމަކަށް ގެނެސް، އެ އަމަލުތައް ހިންގަމުންދާ ފަރާތްތައް ޖަވާބުދާރީ ކުރުވަން ބައިނަލްއަގްވާމީ މުޖުތަމައުން މަސައްކަތް ކުރަންޖެހޭ ކަމަށްވެސް އެބަޔާނުގައި ބުނެފައިވެއެވެ.
އެ ޖަމާއަތުން ބުނިގޮތުގައި މި އަހަރު ފެށުނު ފަހުން ސޫރިޔާގެ ހުޅަނގު އުތުރުގެ އާންމުންނަށް އަމާޒުކޮށް ދީފައިވާ މިފަދަ ހަމަލާތަކުގައި 98 މީހުން މަރާލާފައިވާ ކަމަށެވެ. އަދި ރަޝިޔާއާއި ސަރުކާރު ދީފައިވާ އެފަދަ 400 އަށްވުރެ ގިނަ ހަމަލާތައް މިއަހަރު ފެށުނު ފަހުން ދީފައިވާ ކަމަށެވެެ.
ފަހުގެ
