ބައްޝާރުލް އަސްއަދު, ސީރިއާގެ ވެރިކަމުން ބާލައިފި

ސީރިއާގެ ޒާމާންވީ އަނިޔާވެރި ވެރިކަން ވައްޓާލައިފި އެވެ.

ސީރިއާގެ ވެރިކަން ވައްޓާލާފައިވަނީ އެގައުމުގެ އިދިކޮޅުން ވެރިރަށް ދިމިޝްކުގެ ކޮންޓްރޯލް ނެގުމާއި އެކުގައި އެވެ. އެގޮތުން ސީރިއާ ސަރުކާރާ ދެކޮޅު ހަނގުރާމަވެރިން ވަނީ ވެރިރަށުގެ ފުރިހަމަ ކޮންޓްރޯލް ނަގާފައިވާކަން ރަސްމީކޮށް މިހާރު އިއުލާނުކޮށްފައެވެ

އަސަދުގެ ވެރިކަމުން ސީރިއާ މިނިވަންވެއްޖެކަމަށް އިދިކޮޅު ބާރުތަކުން އިއުލާނުކުރި އިރު، އަސަދު ޤައުމުން ފިއްލަވައިގެންފައިވާކަމަށް ރިޕޯޓުތައް ބުނެއެވެ. ބައްޝާރު އަލް-އަސަދު ދިމިޝްގުން ވަޑައިގެންނެވީ ކޮންތާކަށް ކަމެއް ސާފެއް ނުވެއެވެ. އިދިކޮޅު ހަނގުރާމަވެރިން ވެރިރަށަށް ވަދެ، އާންމުން ގެންދަނީ މަގުމައްޗަށާއި އާންމު މައިދާންތަކަށް ނުކުމެ އުފާފާޅުކުރަމުންނެވެ.

ބައްޝާރު ވެރިކަމުގައި ހުންނަވާތާ ވެސް 24 އަހަރު ވެފައި ވާއިރު އޭނާގެ ވެރިކަމުގެ ނިމުމުގެ އިތުރުން ސީރިއާ ކޮންޓްރޯލްކުރަމުން ދިޔަ އަސަދު އާއިލާގެ ވެރިކަން ވެސް މިއަދު މިވަނީ ނިމުމަކަށް އައިސްފައި އެވެ ބައްޝާރު ވެރިކަމަށް ވަޑައިގަތީ މާޗް 14، 1971 އިން ފެށިގެން ވެރިކަމުގައި ހުންނެވި ބައްޕާފުޅު ހާފިޒުލް އަސަދު 2000 ވަނަ އަހަރު އަވަހާރަވުމާ އެކު އެވެ. އޭނާގެ ބައްޕާފުޅަކީ ބައްޝާރު ގެ ކުރިން އެގައުމުގައި މިލިޓަރީ ވެރިކަމެއް ކުރަމުން ދިޔަ ބޭފުޅެކެވެ.

ބައްޝާރު ސީރިއާގެ ކުރަމުން އައީ އަނިޔާވެރި ވެރިކަމެކެވެ.