FdRbA-6XgAEWqE-
ސީރިޔާގެ ހަލަބް ޕްރޮވިންސްގައި ހުރި ކުނިތަކެއްގެ ކައިރީގައި ވިހެއުމަށްފަހު އެއްލާލާފައި އޮތް ތުއްތު ކުއްޖަކު ފެނިއްޖެއެެވެ. އެކުއްޖާ ފެނުނު އިރު އޮތީ މަރުވެފައި ކަމަށާއި އެއީ އަންހެން ކުއްޖެއް ކަމަށް މީޑީއާތަކުން ރިޕޯޓުކުރެއެވެ.
ތުއްތު ކުއްޖާގެ ހަށިގަނޑު ފެނިފައިވަނީ ހަލަބް ޕްރޮވިންސްގެ އަފްރީން ސިޓީގެ މަހްމޫދިއްޔާ އަވަށުގައި ހުރި މީހުން ދިރިއުޅޭ އިމާރާތްތަކުގެ ކައިރީގައި ހުރި ކުނިފުންޏަކުން ކަމަށްވެސް މީޑިއާތަކުން ރިޕޯޓުކޮށްފައިވެއެވެ.
ފޮރެންސިކް ސްޕެޝަލިސްޓުންނާ ހަވާލާދީ މީޑިއާތަކުން ރިޕޯޓުކޮށްފައިވާ ގޮތުގަައި އެއްކުއްޖާ އެެއްލާލުމުގެ ކުރިން ނޭވާ ނުލެވޭހެން އެއްޗެއް އަޅައިގެން މަރާލާފައިވާ ކަމުގެ ނިޝާންތައް ފެންނަން ހުރި ކަމަށާއި، އެކުއްޖާ އެއްލާލާފައި އޮތީ މަރުވުމަށްފަހުގައި ކަމަށެވެ.
ތުރުކީވިލާތުގެ އެންޖީއޯއެއް ކަމަށްވާ ސީރިއަން ރެސްޕޮންސް ކޯޑިނޭޓަރުން ބުނާ ގޮތުގައި މި އަހަރުގެ ކުރީކޮޅުން ފެށިގެން ހުޅަނގު އުތުރު ސީރިއާއަށް އަލަށް އުފަންވާ އެތައް ކުދިންނެއް އެއްލާލާފައި އޮއްވާ ފެނިފައިވާ އިރު، އޭގެ ތެރެއިން ގިނަ ކުދިން ވަނީ މަރުވެފަ އެވެ.
އެގައުމުގައި މިފަދަ ކަންތައް ހިނގަމުންދަނީ ހަނގުރާމައާއި ހިޖުރަކުރުމުގެ ސަބަބުން ދިރިއުޅުމުގެ ހާލަތު ވަރަށް ބޮޑަށް ހީނަރުވެފައިވުމުގެ ސަބަބުން ކަމުގައި ބެލެވޭ ކަމަށް އެޖަމިއްޔާއިން ނެރުނު ބަޔާނުގައި ބުނެފައިވެއެވެ.
ފަހުގެ
