ނަޝީދުގެ ކޮރަލް އިންސްޓިޓިއުޓާއެކު އައްޑޫ ސިޓީ ކައުންސިލުން އެއްބަސްވުމެއްގައި ސޮއިކޮށްފި
# އައްޑޫސިޓީ
306185081_453853900121251_864842878450693689_n-1536x1024
ތިމާވެއްޓާ ގުޅުން ހުރި މަސައްކަތްތައް ކުރުމަށް ރައްޔިތުންގެ މަޖިލީހުގެ ރައީސް، މުހައްމަދު ނަޝީދު އުފައްދަވާފައިވާ "މޯލްޑިވްސް ކޮރަލް އިންސްޓިޓިއުޓް" އާއެކު އައްޑޫ ސިޓީ ކައުންސިލުން އެއްބަސްވުމެއްގައި ސޮއިކޮށްފި އެވެ.
ރައީސް ނަޝީދު މިހާރު އައްޑޫ ސިޓީއަށް ކުރައްވަމުންގެންދަވާ ދަތުރުފުޅުގައި ސިޓީ ކައުންސިލާ ވަނީ ބައްދަލުކޮށްފައެވެ. މިބައްދަލުވުމުގައި އައްޑޫގެ ތިމާވެށި ރައްކާތެރި ކުރުމުގެ ގޮތުން އިތުރަށް ކުރެވޭނެ މަސައްކަތްތަކާއި، މޯލްޑިވްސް ކޮރަލް އިންސްޓިޓިއުޓްއިން 2023 ވަނަ އަހަރު އައްޑޫގައި އިންތިޒާމުކުރާ "ކޮރަލް ފެސްޓިވަލް 2023" އާއި ގުޅޭގޮތުން ވަނީ މަޝްވަރާކޮށްފަ އެވެ.
މީގެއިތުރުން ނަޝީދު މިއަދު ވަނީ މޯލްޑިވްސް ކޮރަލް އިންސްޓިޓިއުޓްގެ ފަރާތުން ނޫރާނީ ސްކޫލްގެ ދަރިވަރުންނަށް ބޭއްވި "ކޮރަލް ކަސްޓޯޑިއަންސް" ވޯކްޝޮޕަށް ވެސް ޒިޔާރަތް ކުރައްވާފަ އެވެ.
މި ވޯކްޝޮޕްގައި ކޮރަލް އިންސްޓިޓުއްޓްގެ ފަރާތުން ދިވެހި ކަނޑުގެ މުރަކަ ހިމާޔަތްކޮށް މުރަކަ ދިރުވާ އާލާކުރެވޭނެ ގޮތްތަކާއި ގުޅޭގޮތުން އެ ސްކޫލްގެ ދަރިވަރުންނާއި މަޢުލޫމާތު ހިއްސާކޮށްފައިވެ އެވެ. އަދި އެ ސްކޫލަށް ބައެއް ތަކެތި ވެސް އެ ޖަމިއްޔާގެ ފަރާތުން ވަނީ ހަދިޔާކޮށްފަ އެވެ.
"މޯލްޑިވްސް ކޮރަލް އިންސްޓިޓިއުޓް" އަކީ މޫސުމަށް އަންނަ ބަދަލުތަކާއި ގުޅިގެން ދެމެހެއްޓެނިވި ގޮތެއްގައި ގައުމު ތަރައްގީ ކުރާނެ ގޮތްތައް ހޯދުމުގެ މަގުސަދުގައި ނަޝީދު އިސްނަންގަވައިގެން އުފެއްދެވި ޖަމިއްޔާއެކެވެ.
"މޯލްޑިވްސް ކޮރަލް އިންސްޓިޓިއުޓް"ގެ މަސައްކަތް ހިތަދޫގައި ހުންނަ ނަޝީދުގެ އޮފީހުގައި ކުރުމަށް ވަނީ ހަމަޖެހިފަ އެވެ.
ގުޅުންހުރި
އައްޑޫއަށް ޗައިނާއިން ސީދާ ދަތުރުކުރެވޭނެ އިންތިޒާމުތައްދަނީ ހަމަޖައްސަމުން - ފައިސަލް
އައްޑޫ ސިޓީ މީދޫގައި އަލިފާނުގެ ހާދިސާއެއް!
ނަޝީދުގެ ކޮރަލް އިންސްޓިޓިއުޓާއެކު އައްޑޫ ސިޓީ ކައުންސިލުން އެއްބަސްވުމެއްގައި ސޮއިކޮށްފި
އައްޑޫ ސިޓީ މަރަދޫ ފޭދޫ ގެއެއްގެ ތެރެއިން މަރުވެފައި އޮތް މީހަކު ފެނިއްޖެ
ފަހުގެ
