ސިންގަލް ޔޫސް ޕްލާސްޓިކާ ދެކޮޅަށް އިހުތިޖާޖު ކުރުމަށް އަކުއާމޭންގެ ތަރި ޖޭސަން މޯމޯ ބޯ ބާލައިފި

އެއްފަހަރު ބޭނުންކޮށްފައި އުކާލާ ޕްލާސްޓިކާ ދެކޮޅަށް ކުރި އިހުތިޖާޖުގައި ޖޭސަން މަމޯއާ ވަނީ އޭނާގެ ދިގު އިސްތަށިގަނޑު ކޮށާލާފައެވެ. އެކްޓަރު ބޭނުންވީ އެއްފަހަރު ބޭނުންކޮށްފައި އުކާލާ ޕްލާސްޓިކުން ކުރާ އަސަރުތަކާ މެދު ހޭލުންތެރިކަން އިތުރުކުރުމަށެވެ.

ޖޭސަން މޯމޯ ވަނީ އޭނާގެ އިސްތަށިގަނޑު ކޮށާލާ މަންޒަރު ވީޑިއޯކޮށް އެވީޑިއޯ އޭނާގެ އިންސްޓަގްރާމްގައި ހިއްސާކޮށްފައެވެ.

View this post on Instagram

A post shared by Jason Momoa (@prideofgypsies)

އެވީޑިއޯގައި އޭނާ ބުނެފައިވަނީ، ޕްލާސްޓިކް މަތިން އޭނާ ފޫހިވެއްޖެ ކަމަށާއި، އެއްފަހަރު ބޭނުންކޮށް އުކާލާ ޕްލާސްޓިކް ބޭނުންކުރުން ހުއްޓާލަންޖެހޭ ކަމަށާއި، އެއެއްޗެހިތަކުގެ ސަބަބުން ބީޗުތަކާއި މޫދުތައް ތަޣައްޔަރުވެގެންދާ ކަމަށެވެ.

"އެއީ ވަރަށް ހިތާމަހުރި ކަމެއް، އެހެންވީމަ ދިރިއުޅުމުގައި އެއްފަހަރު ބޭނުންކޮށްފައި އުކާލާ ޕްލާސްޓިކް ނައްތާލަން ކުރެވެން ހުރި ހުރިހާ ކަމެއް ކުރުމަށް، ޕްލީޒް ހެލްޕް މީ،" އެކްޓަރު އިތުރަށް ބުންޏެވެ.