ކެނެޑާގައި ވަޅިން ދިން ހަމަލާތަކެއްގައި 10 މީހުން މަރުވެ ގިނަ ބަޔަކު ޒަހަމްވެއްޖެ

ކެނެޑާގެ ސެސްކާޗުވާން ޕްރޮވިންސްގައި ވަޅިން ހަމަލާދީ 10 މީހުން މަރާލައި 15 މީހުން ޒަޚަމް ކޮށްލައިފިއެވެ.

މި ހަމަލާތައް ހިނގާފައިވަނީ އެކި ތަންތަނުގައި ކަމަށާއި، ފުލުހުން 13 ކްރައިމް ސީންއެއް ތަހުގީގު ކުރަމުން އަންނަ ކަމަށް ހާދިސާ ހިނގި ސެސްކާޗޫވާންގައި ހުންނަ ރޯޔަލް ކެނޭޑިއަން މައުންޓެޑް ޕޮލިހުން ބުނެފައިވެއެވެ.

ކަޅު ކުލައިގެ ނިސާން ރޯގް އެއްގައި ދަތުރުކުރަމުން ދާކަމަށް ތުހުމަތު ކުރެވޭ ޑޭމިއަން ސެންޑަރސަން އާއި މައިލްސް ސެންޑަރސަން ހޯދުމުގެ މަސައްކަތް އޮފިސަރުން ދަނީ ކުރަމުންނެވެ. މި 13 ސަރަހައްދުގައި ވެސް ހިނގި މި ވަޅީގެ ހަމަލާތަކުގައި އެދެމީހުން އަމަލީ ގޮތުން މަސައްކަތްކުރި ކަމަށް ފުލުހުން ތުހުމަތު ކުރެއެވެ.

ކަމާބެހޭ ފަރާތްތަކުން ޑޭމިއަން ސެންޑަރސަން ސިފަކޮށްފައިވަނީ އުމުރުން 31 އަހަރުގެ ފިރިހެނެއްގެ އިސްކޮޅުގައި 5 ފޫޓު 7 އިންޗި، 155 ޕައުންޑް، ކަޅު ކުލައިގެ އިސްތަށިގަނޑާއި ބްރައުން ކުލައިގެ ދެ ލޮލުގެ ކަޅި ހުރި މީހެއްގެ ގޮތުގައެވެ. މައިލްސް ސެންޑަރސަން ސިފަކުރަނީ 6 ފޫޓު 1 އިންޗީގެ އިސްކޮޅުގައި 6 ފޫޓު 1 އިންޗި އަދި ބްރައުން ކުލައިގެ އިސްތަށިގަނޑާއި ބްރައުން އައިނު ހުންނަ 240 ޕައުންޑްގެ ފިރިހެނެއްގެ ގޮތުގައެވެ.

މި ހާދިސާގައި އަނިޔާވި ބައެއް މީހުންނަކީ ސީދާ އަމާޒުކޮށް ހަމާލާދީފައިވާ މީހުން ކަމަށާއި، އަނެއް ބައި މީހުންނަށް ހަމަލާދީފައިވަނީ ވަކި ތަރުތީބެއްނެތި ކަމަށް މިހާތަނަށް ބެލި ބެލުމުން އެނގޭކަމަށް ފުލުހުން ބުނެއެވެ.

މިއީ ފަހުގެ ތާރީހެއްގައި ކެނެޑާގައި ހިނގި މިފަދަ އެންމެ ބޮޑު އެއް ހާދިސާއެވެ.