ޑރ އަބްދުއްސަމަދު މެމޯރިއަލް ހޮސްޕިޓަލުގެ އައު އޮފީސް އިމާރާތް ޑިޒައިން ކޮށްދޭނެ ފަރާތެއް ހޯދަނީ
އަހުމަދު ޝުރާއު
6/2/2022, 9:25:14 PM
l_2020_08_30_081612_qfheu8xwm1jdkat3zbs2c7gp59o4yrlnvi6_EN_
ހުވަދު އަތޮޅުގެ މައި ހޮސްޕިޓަލް، ޑރ އަބްދުއްސަމަދު މެމޯރިއަލް ހޮސްޕިޓަލުގެ އައު އޮފީސް އިމާރާތް ފަރުމާކޮށްދޭނެ ފަރާތެއް ހޯދުމަށް އިއުލާންކޮށްފި އެވެ.
އެހޮސްޕިޓަލުން މިއަދު ކުރި އިއުލާނެއްގައި ބުނެފައިވަނީ ހޮސްޕިޓަލުގެ އައު އޮފީސް އިމާރާތް ޑިޒައިންކުރުމާއި، ކުރެހުމުގެ އިތުރުން ބީ އޯ ކިޔު ތައްޔާރުކޮށްދޭނެ ފަރާތެއް ހޯދަންބޭނުން ވެފައިވާ ކަމަށެވެ.
އެގޮތުން މި އޮފީސް އިމާރާތް ތަރައްޤީކުރުމަށް ނިންމާފައިވަނީ މިހާރު ހޮސްޕިޓަލުގެ އޮފީސް އިމާރާތައި އިންވެގެންނެވެ. މި އޮފީސް އިމާރާތަކީ ތިން ބުރިއަށް އިމާރާތްކުރުމަށް ނިންމާފައިވާ އިމާރާތެކެވެ.
މި މަސައްކަތަށް ޝައުގުވެރިވެލައްވާ ފަރާތްތަކަށް އަންދީސީ ހިސާބު ހުށަހެޅުމު ފުރުސަތު އޮންނާނީ 13 ޖޫން 2022 ، ހެނދުނު 11:00 ގައި ޑރ. އަބްދުއްޞަމަދު މެމޯރިއަލް ހޮސްޕިޓަލްގެ އޮފީސް އިމާރާތުގެ މީޓިންގ ރޫމް (1 ވަނަ ފަންގިފިލާ) ގައި އެވެ.