ޑރ އަބްދުއްސަމަދު މެމޯރިއަލް ހޮސްޕިޓަލުން ޝާއިއުކުރި މިފޮޓޯގެ ފަހަތުގައިވާ ސިއްރަކީ ކޮބާ؟

މިރޭ އިރާކޮޅު ވަގުތެއްގައި ހުވަދު އަތޮޅުގެ މައި ހޮސްޕިޓަލް ، ޑރ އަބްދުއްސަމަދު މެމޯރިއަލް ހޮސްޕިޓަލުގެ ރަސްމީ ފޭސްބުކް ޕޭޖުން ޝާއިއު ކުރީ ވަރަށް ތަފާތު ފޮޓޯއެކެވެ. ކޮންމެއަކަސް " ކެޕްޝަން " އަކާ ނުލާ ޝާއިރު މި ފޮޓޯއާއި އެކު މިވަނީ ސުވާލުތަކެއް އުފެދިފައެވެ.

މި ސުވާލުތަކަށް ޖަވާބެއް ހޯދުމަށް ކުރި ފުރަތަމަ ކޯލުންވެސް އެހޮސްޕިޓަލުގެ ކަސްޓަމަރ ރިލޭޝަންސް އޮފިސަރު ސާލިމް ދެއްވީ ވަރަށް ކުރު ޖަވާބެކެވެ. ވިދާޅުވީ ގިނަ ދުވަސްތަކެއް ވަންދެން އެހޮސްޕިޓަލުގައި ހުއްޓިފައި އޮތް ހިދުމަތެއް އަލުން ފެށުމަށް ތައްޔާރުވަމުން އަންނަ ކަމުގެ ސިގްނަލެއް ކަމަށެވެ.

ކޮންމެއަކަސް އިންތިޒާރުކުރެވެނީ ކޮން ހިދުމަތެއް ކަމާއި މެދުއެވެ. މި ހިދުމަތުގެ ރަސްމީ އިއުލާނެއް މާލަސްތަކެއްނުވެ އެހޮސްޕިޓަލުން ދިނުމަށް އަންނަނީ ތައްޔާރުވަމުންނެވެ.

ޑރ އަބްދުއްސަމަދު މެމޯރިއަލް ހޮސްޕިޓަލު ވަނީ ދާދި ފަހުން އައު ބޯޑެއްގެ ދަށަށް ގެނެސްފައެވެ. މިއީއެކު ގިނަ ރައްޔިތުންތަކެއް ކުރަމުން އައި ޝަކުވާތަކަށް ހައްްލެއް ގެނައުމުގެ ކޮޅުމަތި ވަނީ ފެންނަން ފަށާފައެވެ. ހިދުމަތްތަކަށް ގިނަ ބަދަލުތަކެއް ގެނެސް ޑޮކްޓަރުންގެ ދަތިކަން ހައްލުކުރުމުގެ މަސައްކަތް އަންނަނީ ބާރު ސްޕީޑެއްގައި ކުރަމުންނެވެ.