ޔޫކްރޭނަށް ސްޓަރލިންކްގެ އިންޓަނެޓް ފޯރުކޮށްދޭން ފަށައިފި

ރަޝިއާއިން ޔޫކްރޭނަށް ދެމުމް ގެންދާ ހަމަލާތަކުގެ ސަބަބުން ޔޫކްރޭނުން އިންޓަނެޓުގެ ޚިދުމަތް ކެނޑިފައިވާތީވެ ސްޓާލިންކުން އެގައުމަށް އިންޓަނެޓް ފޯރުކޮށްދޭން ފަށައިފި އެވެ.

މަޝްހޫރު މަހުޖަނު، އިލޮން މަސްކްގެ ސްޓާލިންކް އިން ޔޫކްރޭނަށް އިންޓަނެޓުގެ ޚިދުމަތް ފޯރުކޮށްދޭން ފަށާފައިވާ ކަން އިއުލާން ކުރެއްވީ ޚުދު އިލޮން މަސްކް އެވެ. އޭނާ އެކަން އިއުލާން ކުރެއްވީ ޔޫކްރޭންގެ ރައީސް ކުރެއްވި ޓްވީޓެއް ރިޓްވީޓް ކުރައްވަމުންނެވެ.

ޔޫކްރޭނުގެ ރައީސް ކުރެއްވި ޓްވީޓިގައި އިލޮން މަސްކް ޓެގް ކުރައްވައި ވިދާޅުވީ ސްޓާލިންކްގެ އިންޓަނެޓު އެގައުމަށް ލިބޭނެ އިންތިޒާމް ހަމަޖައްސަވައިދެއްވުމަށް ދަންނަވާ ކަމަށެވެ.

ތިބޭފުޅާ މާސް ގައި އިންސާނުން ދިރިއުޅެން މަސައްކަތް ފައްޓަވާފައިވާއިރު ރަޝިއާއިން އެދަނީ ޔޫކްރޭން ހިފުމަށް މަސައްކް ކުރަމުން. ތިބޭފުޅާގެ ރޮކެޓުތައް ޖައްވުން އެނބުރި އައިސް ފުރިހަމައަށް ލޭންޑު ކުރާއިރު، ރަޝިއާގެ ރޮކެޓުތަކުން ޔޫކްރޭނަށް ދެމުން ގެންދަނީ ހަމަލާ. - ޒެލެންސްކީގެ ޓްވީޓު

އެ ޓްވީޓު ރިޓްވީޓް ކުރައްވަމުން އިލޮން މަސްކް ވިދާޅުވީ ސްޓާލިންކްގެ ޚިދުމަތްތައް މިހާރު ޔޫކްރޭނަށް ދޫކޮށްފައިވާ ކަމަށެވެ.