ތިނަދޫ އަސްދާނު ދޯނީގެ އެހީ ގދ އަތޮޅު ތައުލީމީ މަރުކަޒަށް!
އަހުމަދު ޝުރާއު
2/18/2022, 6:34:03 PM
7275C82B-415B-42E6-833C-CF5658F58F3D
ތިނަދޫ މަސްދޯންޏެއް ކަމުގައިވާ " އަސްދާނު " ދޯނިން އަތޮޅުގެ މައި ސްކޫލް، ގދ އަތޮޅު ތައުލީމީ މަރުކަޒަށް އެހީތެރިކަން ފޯރުކޮށްދީފިއެވެ.
ގއ އަތޮޅު ތައުލީމީ މަރުކަޒުން މައުލޫމާތު ދޭގޮތުގައި އަސްދާނު ދޯނިން ވަނީ އެސްކޫލަށް ހިޓާޗީ ބްރޭންޑުގެ 50 އިންޗީގެ ސްމާޓް ޓީވީއެއް އެސްކޫލަށް ހަދިޔާކޮށްފައެވެ.
މި ޓީވީ އެސްކޫލާއި ހަވާލުކޮށްދެއްވީ އެދޯނީގެ ކެޔޮޅު ރީޝަމްގެ އިތުރުން އަސްދާނުދޯނީގެ ފަޅުވެރިންނެވެ. އަދި މި ޓީވީއާއި އެސްކޫލުގެ ފަރާތުން ހަވާލުވީ އެސްކޫލުގެ ޕްރިންސިޕަލް ޝިފާޒް މުހައްމަދު އެވެ.
ގދ އަތޮޅު ތައުލީމީ މަރުކަޒުން ބުނީ އަސްދާނު ދޯނީގެ ފަރާތުން ވި މި އެހީއަކީ އެސްކޫލުގައި މަލްޓިމީޑިއާގެ ޒަރިއްޔާއިން ދަރިވަރުންނަށް ކިޔަވައި ދިނުމަށް ކުރުމުން އަންނަ މަސައްކަތަށް ލިބުނު ބޮޑު އެހީތެރިކަމެއް ކަމަށެވެ.
އެގޮތުން އެސްކޫލުން ވަނީ އަސްދާނު ދޯނީގެ ދޯނިވެރިންނާއި ކެޔޮޅުގެ އިތުރުން ދޯނީގެ ފަޅުވެރިންނަށް ޝުކުރު އަދާކޮށްފައެވެ.