އިދިކޮޅު ކޯލިޝަންގެ ވަފުދެއް ތިނަދޫއަށް!
އަހުމަދު ޝުރާއު
2/18/2022, 4:26:16 PM
273890680_349141727218258_480095304354176099_n
ސަރުކާރާއި އިދިކޮޅު، ޕީޕީއެމް-ޕީއެންސީގެ ވަފުދެއް ގދ ތިނަދޫއަށް ވަޑައިގަތުމަށް ހަމަޖެހިއްޖެ އެވެ.
އިދިކޮޅު ކޯލިޝަނުން މައުލޫމާތުދޭ ގޮތުގައި އެކޯލިޝަންގެ ލީޑަރޝިޕްގެ ވަފުދެއް ތިނަދޫއަށް ވަޑައިގަތުމަށް ހަމަޖެހިފައިވަނީ މިއަދުގެ ހަވީރުގެ ވަގުތެއްގައެވެ.
ތިނަދޫއަށް އެކޯލިޝަނުން ކުރާ ދަތުރުގައި ބައިވެރިވެވަޑައިގަންނަވަނީ ޕީއެންސީގެ ނައިބުރައީސް އަދި މާވަށު ދާއިރާގެ މެމްބަރު މުހައްމަދު ސައީދު އާއި އިދިކޮޅު ކޯލިޝަންގެ ލީޑަރުގެ ވެރިކަމުގައި ހެލްތް މިނިސްޓަރުކަން ކުރެއްވި އަބްދުﷲ ނާޒިމް ގެ އިތުރުން ރައްޔިތުން މަޖިލީހުގެ ފަރެސްމާތޮޑާ ދާއިރާގެ މެންބަރު ހުސައިން މުހައްމަދު ލަތީފް (ސެމްބެ ) އެވެ.
ތިނަދޫއަށް ދަތުރު ފައްޓަވަމުން މެމްބަރު ހުސެއިން ވެލާނާ އިންޓަނޭޝަނަލް އެއާޕޯޓުގައި ހުންނަވައި ކުރެއްވި ފޭސްބުކް ޕޯސްޓެއްގައި ވިދާޅުވީ އިދިކޮޅުގެ ލީޑަރޝިޕުން ތިނަދޫއަށް ކުރައްވާ ދަތުރުފުޅަކީ އެރަށުގައި ތިބި ޕީޕީއެމްގެ މެމްބަރުންނާއި ގައުމަށް ހެޔޮއެދޭ ފަރާތްތަކާއި ބައްދަލުކުރުމަށް ކުރާ ދަތުރުރެއް ކަމަށެވެ.
މައުލޫމާތު ލިބޭގޮތުގައި މިދަތުރުގައި ޕީޕީއެމްއަށް މެމްބަރުން އިތުރުކުރުމުގެ ހަރަކާތްތަކެއްވެސް ތިނަދޫގައި ކުރިޔަށް ގެންދިޔުމަށް ވަނީ ނިންމާފައެވެ.