239635600_263976985751142_9138564563703953864_n
ގދ. ހޯނޑެއްދޫގައި ތަރައްޤީކުރާ ކޮމިއުނިޓީ ސެންޓަރ އެޅުމަށް ހަމަޖެހިފައިވާ ބިން ލެވަލް ކުރުމުގެ މަސައްކަތް ނިންމާލައިފި އެވެ.
ހޯނޑެއްދޫ ކައުންސިލްގެ ރައީސް ހުސެއިން ވާރިޝް އިއްޔެ ފޭސްބުކުގައި ކުރެއްވި ޕޯސްޓެއްގައި ވިދާޅުވީ ކޮމިއުނިޓީ ސެންޓަރ އެޅުމަށްޓަކައި ދޫކޮށްފައިވާ ބިން ލެވެލް ކުރުމުގެ މަސައްކަތް އިއްޔެ ކޮށްފައިވާކަމަށެވެ. އަދި މި މަސައްކަތް ތާވަލާއި އެއްގޮތަށް ނިންމާލެވޭނެ ކަމުގެ ޔަޤީންކަން މި މަސައްކަތުގެ ކޮންޓްރެކްޓަރ ދެއްވާފައިވާ ކަމަށްވެސް ވާރިޝް ވިދާޅުވިއެވެ.
ގދ. ހޯނޑެއްދޫގައި ކޮމިއުނިޓީ ސެންޓަރެއް ޤާއިމްކުރުމަށް ހަވާލުކޮށްފައިވަނީ އެފްއެސްއެސް މޯލްޑިވްސް އަށެވެ. އެގޮތުން މަޑަވެލި ދާއިރާގައި ހިމެނޭ ހޯނޑެއްދޫއާއި ނަޑެއްލާގައި ކޮމިއުނިޓީ ސެންޓަރެއް ޤާއިމްކުރުމަށް އެފްއެސްއެސް މޯލްޑިވްސް އާއި އެކު ޔޫތް މިނިސްޓްރީއިން ސޮއިކޮށްފައިވަނީ ނިމިދިޔަ ނޮވެމްބަރު މަހުގެ 5 ވަނަ ދުވަހު އެވެ.
މި މަސައްކަތަށް މިއަހަރުގެ ސަރުކާރުގެ ޑޮމެސްޓިކް ބަޖެޓުގައި ކޮންމެ ރަށަކަށް ވަކިން 8 ލައްކަ ރުފިޔާ ހިމަނާފައިވެ އެވެ.
ހޯނޑެއްދޫގައި މިވަގުތު ކޮމިއުނިޓީ ސެންޓަރު ހިންގަމުންދަނީ ޖާގައިގެ ގޮތުން ވަރަށް ކުޑަ ތަނެއްގައެވެ.
ގުޅުންހުރި
އައު ކޯސްވޭއަކީ މަޑަވެލި-ހޯނޑެއްދޫގެ ތަރައްޤީޤެ ޗޭނަށް އިތުރުވާ ބޮޅެއް - ވާރިޝް
މަޑަވެލި އަދި ހޯޑެއްދޫ ޒަމާނީ ކޯޒްވޭ އަކުން ގުޅާލުމުގެ މަޝްރޫޢުގެ ޢަމަލީ މަސައްކަތް އެމްޓީސީސީއިން ފަށައިފި
ހޮރައިޒަންއަށް ހޯނޑެއްދޫއިން ދޫކޮށްފައިވާ ބިމުގެ މައްސަލަ މަޖިލީހަށް ހުށަހަޅައިފި
ހޯނޑެއްދޫ ކައުންސިލް ފުޓްސަލް މުބާރާތް އަންނަ ޖުލައި މަހު ބާއްވަނީ
ފަހުގެ
