ވެމްކޯ އަށް ވެށިފާރަވެރިން ހޯދަނީ

ވޭސްޓް މެނޭޖްމަންޓް ކޯޕަރޭޝަން (ވެމްކޯ) އަށް ވެށިފާރަވެރިން ހޯދަން އިޢުލާނުކޮށްފިއެވެ.

ވެމްކޯއިން އިޢުލާނުކޮށްފައިވަނީ 30 ވެށިފާރަވެރިން ހޯދުމަށެވެ. މި ވަޒީފާގެ މުސާރައެއްގެ ގޮތުގައި ވެމްކޯއިން ކަނޑައަޅާފައިވަނީ 9000 ރުފިޔާއެވެ.

މި ވަޒީފާއަށް ޝައުގުވެރިވެލައްވާ ފަރާތްތަކުން އަންނަ އާދީއްތަ ދުވަހުގެ މެންދުރު 12:00 ގެ ކުރިން ވެމްކޯގެ ވެށިފާރަވެރިއަކަށް ވުމަށް އެދޭ ފޯމު ފުރުއްވުމަށްފަހު ވެމްކޯ ހެޑް އޮފީހަށް ހުށަހެޅުމަށް އެ ކޯޕަރޭޝަނުން ވަނީ އެދިލައްވާފައެވެ.

ކޮވިޑް-19 އާ ގުޅިގެން ގޭބިސީތަކުގެ ވަކިވަކި ފަންގިފިލާތަކުން ވެމްކޯއިން ކުނި ނަގަމުން އައި އުސޫލަށް ބަދަލު ގެނެވުނު ނަމަވެސް، މިދިޔަ މަހުގެ 15 ވަނަ ދުވަހުން ފެށިގެން އެ އުސޫލަށް ވަނީ ބަދަލުގެނެސް ކުރިން ނަގަމުން އައި ގޮތަށް އުސޫލު ބަދަލުކޮށްފައެވެ.