ވައިގެ ދަތުރުފަތުރުގެ ދާއިރާ ތަރައްގީ ކުރަން ތުރުކީއާއެކު މަސައްކަތް ކުރަން ރާއްޖެއިން އެއްބަސްވެއްޖެ
# ރާއްޖެ - ތުރުކީ# ވައިގެ ދަތުރުފަތުރު
00E4A630-65B2-4AB4-AF53-A5BEB0238FE2
ރާއްޖޭގެ ވައިގެ ދަތުރުފަތުރުގެ ދާއިރާ ތަރައްގީކޮށް، އެހީތެރިވުމަށް ތުރުކީއާ އެކު ރާއްޖެއިން އެއްބަސްވުމެއްގައި ސޮއިކޮށްފިއެވެ.
ތުރުކީގައި މިއަދު ބޭއްވި ރަސްމިއްޔާތެއްގައި މި އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ޓްރާންސްޕޯޓް މިނިސްޓަރު އައިޝަތު ނަހުލާއެވެ. އަދި ތުރުކީގެ ފަރާތުން ސޮއި ކުރެއްވީ އެގައުމުގެ ޓްރާންސްޕޯޓް މިނިސްޓަރު އާދިލް ކަރަސްމައިލޯގެވެ.
މި ރަސްމިއްޔާތަށްފަހު މިނިސްޓަރު ނަހުލާ ވިދާޅުވީ މި އެއްބަސްވުމަކީ ފާއިތުވި 11 އަހަރު ދުވަހު ކުރެވުނު މަޝްވަރާތަކުގެ ނަތީޖާ ކަމަށެވެ.
ޓްރާންސްޕޯޓު މިނިސްޓްރީން ބުނީ މި އެއްބަސްވުމުގެ ސަބަބުން ރާއްޖޭގެ ވައިގެ ދަތުރުފަތުރުގެ ދާއިރާއަށް ދިމާވާ ގިނަ މައްސަލަތައް ހައްލު ކުރެވިގެންދާނެ ކަމަށެވެ. އަދި އެ ދާއިރާ ތަރައްގީ ކުރުމަށް މާލީ ގޮތުންނާއި އެހެނިހެން ގޮތްގޮތުން އެހީތެރިކަން ލިބިގެންދާނެ ކަމަށްވެސް ބުންޏެވެ.
މީގެ އިތުރުން ރާއްޖޭގެ ޓުރެފިކް ރައިޓްސް އާއި ފްލައިޓު ކެޕޭސިޓީ އަދި ފްލައިޓް ސޭފްޓީ އިތުރުން ފެއާ ޝެޑިއުލްތަކަށްވެސް ތުރުކީން އެހީވާނެ ކަމަށް ޓްރާންސްޕޯޓު މިނިސްޓްރީން ބުންޏެވެ.
ގުޅުންހުރި
ރާއްޖޭގެ އޭވިއޭޝަން ދާއިރާގެ ތާރީހާ ބެހޭ ފޮތެއް ނެރެފި
ވައިގެ ދަތުރުފަތުރާ ގުޅޭ މައްސަލަތައް ރިޕޯޓުކުރުމަށް ހާއްސަ ޕްލެޓްފޯމެއް
ތުރުކީއާއި އެކު މިނިވަން ވިޔަފާރީގެ އެއްބަސްވުން އެކުލަވާލުމުގެ މަސައްކަތް ރަސްމީކޮށް ފަށައިފި
އަސްކަރީ ޑްރޯން ހިދުމަތަށް ލިބުނު ގިނަ އާލާތްތަކަކީ ތުރުކީއިން ހިލޭ ހަދިޔާކުރި ތަކެތި - ރައީސް
ފަހުގެ
