ނަޝީދަށް ދިން ހަމަލާއާ ގުޅިގެން ކެބިނެޓްގެ ކުއްލި ބައްދަލުވުމެއް ފަށައިފި

ކުރީގެ ރައީސް އަދި ރައްޔިތުންގެ މަޖިލީހުގެ ރައީސް, މުޙައްމަދު ނަޝީދަށް މިރޭ ދިން ހަމަލާއާ ގުޅިގެން ސަރުކާރުގެ ވަޒީރުންގެ މަޖިލީހުގެ ކުއްލި ބައްދަލުވުމެއް ފަށައިފިއެވެ.

މި ބައްދަލުވުމުގައި ހުރިހާ ވަޒީރުން ބައިވެރިވެވަޑައިގަންނަވައެވެ.

ނަޝީދަށް މިރޭ ހަމަލާ ދީފައިވަނީ އެމަނިކުފާނު ގެކޮޅުން ނިކުމެގެން ކާރުކޮޅަށް އަރައިވަޑައިގަންނަވަނިކޮށް އެއްޗެއް ގޮއްވާލައިގެންނެވެ. މިހާދިސާ ހިނގާފައިވަނީ ނީލޯފަރު މަގުން މަޖީދީމަގާ ދިމާއަށް ކަންމަތީގައެވެ. މި ހާދިސާގައި އެމަނިކުފާނަށް އެކި ވަރުގެ ޒަޚަމްތަކެއް ލިބިފައިވާއިރު, އެމަނިކުފާނަށް ފަރުވާދެމުން ދަނީ އޭޑީކޭގައެވެ.

ރައީސް ނަޝީދަށް ލިބިފައިވާ އަނިޔާގެ މާބޮޑު ތަފްސީލެއް ލިބިފައިނުވާއިރު، ފަރުވާއަށް މިހާރު ރައީސް ނަޝީދު ވަނީ އޭޑީކޭ ހޮސްޕިޓަލަށް ގެންގޮސްފަ އެވެ. އެމަނިކުފާނަށް އެ ހޮސްޕިޓަލްގެ އޮޕަރޭޝަން ތިއޭޓާގައި މިހާރު ދަނީ ފަރުވާދެމުންނެވެ.