--
އެމެޒޯން ޕްރައިމްގެ އެންމެ މަގުބޫލު ކްރައިމް ޑްރާމާ ސީރީޒް ކަމަށްވާ "މިރްޒާޕޫރް" ގެ ވާހަކަތައް ބޮޑު ސްކްރީނަށް ގެންނަން ތައްޔާރުވެފައިވާއިރު، މި އުންމީދީ ފިލްމުގެ ރަސްމީ ޓްރެއިލަރ މިއަދު ނެރުމަށް ވަނީ ހަމަޖެހިފައެވެ.
މިއީ މި ފްރެންޗައިޒްގެ ގިނަ ސަޕޯޓަރުންތަކެއް ވަރަށް ދިގު އިންތިޒާރެއް ކުރަމުން އައި ކަމެކެވެ.
"މިރްޒާޕޫރް: ދަ މޫވީ" ގެ ނަމުގައި ސިނަމާތަކަށް އަންނަ މި ފިލްމާއެކު، އިންޑިއާގެ އުތުރުގެ ގޭންގުތަކުގެ މެދުގައި ހިނގާ ލޭއޮހޮރުވުންތަކާއި، ބާރާއި ނުފޫޒުގެ ހަނގުރާމަ ކުރިއަށްވުރެ ވަރުގަދަކޮށް ފެނިގެންދާނެކަމަށް ބެލެވެއެވެ.
ފިލްމުގެ ޓްރެއިލަރ މިއަދު އާންމުކުރާއިރު، ފިލްމުގައިވެސް ސީރީޒްގެ މައިގަނޑު ކެރެކްޓަރުން ކަމަށްވާ ކާލީން ބައްޔާ އަދި ގުއްޑޫ ޕަންޑިތު ފަދަ ކެރެކްޓަރުން ފެނިގެންދާނެކަން ވަނީ ޔަގީންވެފައެވެ.
ވެބް ސީރީޒްއަކުން ފެށިގެން އައިސް ބޮޑު ފިލްމަކަށް ބަދަލުވުމަކީ "މިރްޒާޕޫރް" ގެ ކާމިޔާބީއާއި އާންމުންގެ މެދުގައި އޮތް މަގުބޫލުކަން ހާމަކޮށްދޭ ކަމެކެވެ.
މިރްޒާޕޫރްގެ ކުށުގެ ވެށީގެ ވާހަކަތައް ބޮޑު ސްކްރީނަށް ގެންނައިރު، ފިލްމުގެ ޕްރޮޑަކްޝަން ޓީމުން ބުނާގޮތުގައި ސިނަމާގެ ތަޖުރިބާއަކީ ސަޕޯޓަރުންނަށް މުޅިން އައު އަދި ފޯރިގަދަ ތަޖުރިބާއަކަށް ވާނެއެވެ. ޓްރެއިލަރ މިއަދު ނެރުމަށްފަހު، ވަރަށް އަވަހަށް ފިލްމު ސިނަމާތަކުގައި އަޅުވާނެ ދުވަހެއްވެސް އިއުލާންކުރާނެކަމަށް ބެލެވެއެވެ.
ފަހުގެ
