--
ސައުތު އިންޑިއާ ސިނަމާގެ އެންމެ މަޝްހޫރު ދެ ތަރިން ކަމަށްވާ ދަނުޝް އަދި މަންމޫޓީ އެކުގައި ފެނިގެންދާ ފޯރިގަދަ އެކްޝަން ފިލްމު "އޯމް ޗެޕްޓަރ 1" ގެ ޝޫޓިންގ ވަރަށް އަވަހަށް ނިމޭނެކަމަށް ރިޕޯޓުތައް ބުނެފިއެވެ.
ގިނަ ބަޔަކު އިންތިޒާރުކުރަމުންދާ މި ފިލްމަކީ ވަރުގަދަ އެކްޝަން މަންޒަރުތަކެއް ހިމެނޭނެ، ބެލުންތެރިން ޝައުގުވެރިކުރުވާނެ ފިލްމެކެވެ.
މި ފިލްމުގައި ތަމަޅަ ސިނަމާގެ މަގުބޫލު ތަރި ދަނުޝް އާއި މަލަޔާލަމް ސިނަމާގެ ލެޖެންޑް މަންމޫޓީ އެކުގައި ސްކްރީނުން ފެނިގެންދާނެތީ، ސަޕޯޓަރުންގެ މެދުގައި ފިލްމަށް އޮތް އިންތިޒާރު ވަނީ ވަރަށް ބޮޑަށް އިތުރުވެފައެވެ.
ރިޕޯޓުތައް ބުނާގޮތުން ފިލްމުގެ ބޮޑު ބައެއްގެ ޝޫޓިންގ މިހާރު ވަނީ ކާމިޔާބުކަމާއެކު ނިމިފައެވެ. އަދި ބާކީ ހުރި މަންޒަރުތައް ކުރިއަށް އޮތް މަދު ދުވަސްކޮޅެއްގެ ތެރޭގައި ނިންމާލުމަށް ޕްރޮޑަކްޝަން ޓީމުން ދަނީ ތައްޔާރުވަމުންނެވެ.
މިހާތަނަށް ފިލްމާ ގުޅޭ މާގިނަ މައުލޫމާތުތަކެއް ރަސްމީކޮށް ހާމަކޮށްފައި ނުވި ނަމަވެސް، ފިލްމުގެ ޝޫޓިންގ އެއްކޮށް ނިމުމާއެކު ފިލްމުގެ ފަސްޓް ލުކް ނުވަތަ ޓީޒާއެއް އާންމުކުރާނެ ކަމަށް ބެލެވެއެވެ. މިއީ ސައުތު ސިނަމާއަށް ލޯބިކުރާ ފަރާތްތަކުން މިހާރު އެންމެ ބޮޑަށް އިންތިޒާރުކުރަމުން އަންނަ އެއް ޕްރޮޖެކްޓެވެ.
16 އޮކްޓޯބަރު 2026 ގައި މި ފިލްމު ސިނަމާތަކަށް ގެންނަން ތާވަލުކޮށްފައިވާއިރު، ބޮކްސް އޮފީހުގައި މި ފިލްމަށް ބޮޑު ކުރިމަތިލުމަކާ ދިމާވާނެއެވެ. އެއީ އޭގެ އެއް ދުވަސް ކުރިން، 15 އޮކްޓޯބަރު 2026 ގައި ރަޖްނީކާންތުގެ 'ޖެއިލަރ 2' ރިލީޒްކުރަން ހަމަޖެހިފައިވުމުންނެވެ.
.jpeg&w=3840&q=75)
ފަހުގެ
