ހިތަދޫ އިންޖީނުގޭގެ ބިއްދަށުގައި ރޯވި އަލިފާންގަނޑު ނިއްވާލައިފި

އައްޑޫ ސިޓީ ހިތަދޫ "އާރުއޭއެފް" އިންޖީނުގޭގެ ބިއްދޮށުގައި ރޯވި އަލިފާންގަނޑު ނިއްވާލައިފި އެވެ.

މޯލްޑިވްސް ނޭޝަނަލް ޑިފެންސް ފޯސް އިން ބުނީ އާރުއެފް އިންޖީނުގޭގެ ބިއްދޮށުގައި ރޯވި އަލިފާންގަނޑު ރޯވީ އެތަނުގައި ހުރި ކުނިތަކެއްގައި ކަމަށެވެ.

އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔާ ސްޓޭޝަނުން ނިއްވާލާފައިވާއިރު، އެ ހާދިސާގެ މައުލޫމާތު ލިބުނީ މިއަދު މެންދުރު 14:30 ހާއިރުލިބުމާއެކު ހިތަދޫ ފަޔަރ ސްޓޭޝަނުގެ ފަޔާފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތްކޮށްފައިވާ ކަމަށެވެ.

ފަޔާފައިޓަރުން ކުރި މަސައްކަތުން އަލިފާންގަނޑު ނިއްވާލެވުނީ މިއަދު ހަވީރު 15:18 ހާއިރު ކަމަށް އެމްއެންޑީއެފުން ބުންޏެވެ. އަދި މި ހާދިސާގައި އެއްވެސް މީހަކަށް އަނިޔާވިކަމުގެ މައުލޫމާތު ލިބިފައި ނުވާކަމަށްވެސް އެމްއެންޑީއެފުން ފާހަގަކުރި އެވެ.

މިހާރަކަށް އައިސް އަލިފާނުގެ ހާދިސާތައްދަނީ ގިނަވަމުންނެވެ.