--
ޑިޒްނީއިން 2009 ވަނަ އަހަރު ނެރުނު މަގުބޫލު އެނިމޭޓެޑް ފިލްމު "ދަ ޕްރިންސެސް އެންޑް ދަ ފްރޮގް" ގެ މައި ކެރެކްޓާ ކަމަށްވާ ޕްރިންސެސް ޓިއާނާގެ މައްޗަށް ބިނާކޮށް ލައިވް-އެކްޝަން ފިލްމެއް އުފެއްދުމުގެ މަސައްކަތް ޑިޒްނީއިން ވަނީ ފަށާފައެވެ.
ރިޕޯޓުތައް ބުނާގޮތުގައި ގޮތުގައި، މި ފިލްމުގެ ސްކްރިޕްޓް ކޯ-ރައިޓް ކުރުމަށްޓަކައި އެމީ އަދި އޮސްކާ ނޮމިނީ އެކްޓަރު/ރައިޓަރު ކޯލްމަން ޑޮމިންގޯ އާއި ޑިރެކްޓަރު ރޮބަޓް އޯހާރާއާއެކު ޑިޒްނީއިން އަންނަނީ މަޝްވަރާކުރަމުންނެވެ.
މި ފިލްމަކީ ކުރީގެ އެނިމޭޓެޑް ފިލްމު ހުރިގޮތަށް އަލުން ލައިވް-އެކްޝަނަށް ބަދަލުކުރާ "ރީމޭކް" އެއް ނޫނެވެ. އޭގެ ބަދަލުގައި، މިއީ ޕްރިންސެސް ޓިއާނާގެ ކެރެކްޓާގެ މައްޗަށް ބިނާކޮށް ތައްޔާރުކުރާ އޮރިޖިނަލް "ސްޕިން-އޮފް" ވާހަކައެކެވެ.
އެނިމޭޓެޑް ފިލްމުގައި ޓިއާނާގެ ކެރެކްޓާއަށް އަޑުއަޅައިދީފައިވަނީ އަނީކާ ނޯނީ ރޯސްއެވެ. ޝެފެއްގެ ގޮތުގައި އަމިއްލަ ރެސްޓޯރެންޓެއް ހުޅުވުމުގެ ހުވަފެން ދެކެމުންދިޔަ ޓިއާނާ، ފެނިގެންދިޔަ މި ފިލްމަކީ ބެލުންތެރިންގެ ބޮޑު ތަރުހީބެއް ލިބުނު ފިލްމެކެވެ.
ޑިޒްނީއިން ދާދިފަހުން ނެރުނު ބައެއް ލައިވް-އެކްޝަން ރީމޭކްތަކަށް ބޮކްސް އޮފީހުގައި އެދެވޭ ތަރުހީބެއް ނުލިބުމާ ގުޅިގެން، ކްލެސިކް ވާހަކަތައް ހުރިގޮތަށް އަލުން ހެދުމުގެ ބަދަލުގައި މިފަދަ ތަފާތު ސްޕިން-އޮފް އޮރިޖިނަލް ކޮންސެޕްޓްތަކަށް ޑިޒްނީއިން އިސްކަންދޭން ވަނީ ފަށާފައެވެ.
މިއީ އަދި ތަރައްގީކުރުމުގެ އެންމެ ކުރީގެ މަރުހަލާގައި އޮތް ޕްރޮޖެކްޓެކެވެ.
ފަހުގެ
