30 އަހަރުގެ ދިގު އިންތިޒާރަކަށްފަހު ސަންޖޭ މިޝްރާއަށް ފުރަތަމަ ފަހަރަށް ގައުމީ އެވޯޑު!

ބޮލީވުޑްގެ އެންމެ ހުނަރުވެރި އަދި ތަފާތު ރޯލުތަކުން ބެލުންތެރިންގެ ހިތްތައް އަތުލާފައިވާ އެކްޓަރު ސަންޖޭ މިޝްރާ، އޭނާގެ 30 އަހަރުވީ ފިލްމީ ކެރިއަރުގައި ފުރަތަމަ ފަހަރަށް ގައުމީ ފިލްމީ އެވޯޑު ހާސިލުކޮށްފިއެވެ.

ތަފާތު ގިނަ ފިލްމުތަކުން ކޮމެޑީ އާއި ސީރިއަސް ރޯލުތައް ކުޅެގެން މަގުބޫލުކަން ހޯދާފައިވާ ސަންޖޭ މިޝްރާއަށް މި ޝަރަފުވެރި އެވޯޑު ލިބުނީ އޭނާގެ ކުޅަދާނަ އެކްޓިންގ ދައްކުވައިދިން ފިލްމް ބަކްޝަކްއިންނެވެ.

މި އެވޯޑާއެކު ފިލްމީ ދާއިރާގެ ގިނަ ފަންނާނުންނާއި އޭނާގެ ސަޕޯޓަރުން ދަނީ ސަންޖޭއަށް މަރުހަބާ ކިޔަމުންނެވެ.

މި ކާމިޔާބީއާ ގުޅޭގޮތުން ވާހަކަދައްކަމުން ސަންޖޭ ބުނީ، އެވޯޑެއް ލިބުމަކީ އަބަދުވެސް އުފާވެރި ކަމެއް ކަމަށާއި، ނަމަވެސް އޭނާއަށް އެންމެ މުހިންމީ ފާއިތުވި 30 އަހަރު ތެރޭގައި ބެލުންތެރިންގެ ފަރާތުން ލިބުނު ލޯތްބާއި ގަދަރު ކަމަށެވެ. އަދި މި އެވޯޑަކީ އޭނާގެ މަސައްކަތް ބަލައިގަތްކަމުގެ ނިޝާނެއް ކަމަށް އޭނާ ފާހަގަކުރިއެވެ.

ސަންޖޭ މިޝްރާއަކީ 'އާންކޯ ދޭކީ'، 'މަސާން'، 'ދަމާލް' އަދި 'ގޮލްމާލް' ފަދަ މަޝްހޫރު ގިނަ ފިލްމުތަކުން ފެނިގެންގޮސްފައިވާ، އޭނާގެ އަމިއްލަ ތަފާތު ސަގާފަތެއް އެކްޓިންގގައި ގެންގުޅޭ ތަރިއެކެވެ. ގިނަ ބަޔަކު ގަބޫލުކުރާ ގޮތުގައި މިއީ އޭނާއަށް މާ ކުރިންވެސް ލިބެން ހައްގު އެވޯޑެކެވެ.