އަކާންޝާ އާއި ފިރިމީހާ ޝަރަން ޝަރުމާގެ ރިސެޕްޝަން ލުކް
ގާތް ރަހުމަތްތެރިންނާއި އާއިލާގެ މީހުންނާއެކު ބޭއްވި ކައިވެނީގެ ހަފުލާއަކަށްފަހު، އަކާންޝާ ރަންޖަން ކަޕޫރު އާއި އޭނާގެ ފިރިމީހާ ޝަރަން ޝަރުމާ ވަނީ އާދީއްތަ ދުވަހު މުމްބާއީގައި ކުލަގަދަ ރިސެޕްޝަނަކާއެކު އުފާފާޅުކުރުންތައް ކުރިއަށް ގެންގޮސްފައެވެ.
މި ޚާއްޞަ ރެއަށްޓަކައި އަކާންޝާ އިޚްތިޔާރުކުރީ 6.5 ލައްކަ ރުޕީސްގެ އަގުހުރި ގޯރަވް ގުޕްތާގެ ލެހެންގާއެކެވެ. ޝަރަން ޝަރުމާ ހުރީ އޭނާގެ އަނބިމީހާގެ ހެދުމާ ގުޅޭގޮތަށް ފަރުމާކޮށްފައިވާ ކަޅުކުލައިގެ ސޫޓެއްގައެވެ.
އަކާންޝާ ލައިގެން ހުރީ ގޯރަވް ގުޕްތާގެ ފަނޑު ރަންކުލައިގެ "މޯލްޓަން ކްރިސްޓަލް ލެހެންގާ" އެކެވެ. "ވިރެމުންދާ ކްރިސްޓަލްތަކެއް" ގެ ޚިޔާލަށް ފަރުމާކޮށްފައިވާ މި ހެދުމުގައި ކްރިސްޓަލް އާއި ބީޑްސް ބޭނުންކޮށްގެން ވަރަށް ފުރިހަމަ އެމްބްރޮއިޑަރީއެއް ހަދާފައިވެއެވެ.މާމެއިޑް ސްޓައިލްގެ މިހެދުމުގެ ސަބަބުން އޭނާގެ ބްރައިޑަލް ލުކްއަށް ތަފާތު ފުރިހަމަކަމެއް ގެނެސްދިނެވެ.
މީގެ އިތުރުން ހިތުގެ ބައްޓަމަށް ހުންނަ ކޯސެޓް ބްލައުޒްއެއް ވެސް މި ހެދުމާއެކު ހިމެނެއެވެ. އާދައިގެ ދުޕައްޓާގެ ބަދަލުގައި އަކާންޝާ ބޭނުންކުރީ ކޮނޑުމަތިން ތިރިއަށް އެލިފައި އޮންނަ، ދިގު ކޭޕް އެކެވެ.
އެމީ ޕަޓޭލް އާއި ތާނިއާ މެހެތާ ސްޓައިލްކޮށްފައިވާ މި ލުކް ފުރިހަމަކުރުމަށް ޑައިމަންޑް ޗޯކަރ އަކާއި، ގުޅޭ ކަންފަތުލާ އެއްޗިހި އަދި ބޭންގްލްސް ބޭނުންކޮށްފައިވެއެވެ.
ޝަރަން ޝަރުމާ މި ހަފުލާގައި ފެނިގެންގޮސްފައިވަނީ ކްލާސިކް ކަޅު ބަންދުގަލާ ސޫޓެއްގައިއެވެ.
އަކާންޝާ އާއި ޝަރަން އެންމެ ފުރަތަމަ ދިމާވީ 2022 ވަނަ އަހަރު ރަހުމަތްތެރިންގެ ފަރާތުންނެވެ. އަދި 2024 ގައި އެމީހުންގެ ގުޅުން ރަސްމީކޮށް ހާމަކުރިއެވެ. އަދި އެންމެ ފުރަތަމަ ދިމާވިތާ ބަރާބަރު 4 އަހަރު ފުރުނު ދުވަހު، މުމްބާއީގައި ހުންނަ ރަންޖަންގެ ގޭގެ ބަގީޗާގައި އެމީހުން ވަނީ ކައިވެނިކޮށްފައެވެ.
ފަހުގެ
