--
ޓީވީން އެންމެ ގިނަ ބަޔަކު ބަލާ އެއް ސީރީޒް ކަމަށްވާ "ލޯ އެންޑް އޯޑަރ: އެސްވީޔޫ" ގެ ތަރި މަރިޝްކާ ހާގިޓޭއަކީ ވޭތުވެދިޔަ 27 އަހަރު ދުވަހު އާންމުންގެ ލޯމަތިން ގެއްލިފައި ހުރި މީހެއް ނޫނެވެ.
ނަމަވެސް، މި ދުވަސްވަރު އޭނާ ކުއްލިއަކަށް ހުރިހާ ތާކުން ފެންނަމުންދާ ކަމަށް ހީވާނަމަ، އެއީ ކުށްހީއެއް ނޫނެވެ.
އޭނާ ވަނީ އެންބީއޭ ފައިނަލް މެޗުތައް ބަލަން ގޮސް، ނިއުޔޯކް ނިކްސް ޗެމްޕިއަންކަން ހޯދުމުން ބޭއްވި ބޮޑު ޕެރޭޑްގައި ވެސް ބައިވެރިވެފައެވެ. އޭގެ ދެ ހަފްތާ ފަހުން، އޭނާގެ ފިރިމީހާ ޕީޓާ ހާމަންއާއެކު މެޑިސަން ސްކްއާ ގާޑަންގައި ބޭއްވި ޓޭލާ ސްވިފްޓް އާއި ޓްރެވިސް ކެލްސީގެ ކައިވެނީގެ ހަފްލާގައި ވެސް ބައިވެރިވިއެވެ.
މި ހުރިހާ ކަމެއްގެ މެދުތެރެއިން އޭނާ ވަނީ ބްރޯޑްވޭ ތިއޭޓަރުގެ "އެވްރީ ބްރިލިއަންޓް ތިންގް" ޝޯގައި ވެސް ކާމިޔާބު އެކްޓިންއެއް ދައްކާފައެވެ. އަދި ޝޯތައް ނިމުމާއެކު، އުމުރުން 62 އަހަރުގެ މަރިޝްކާ ވަނީ އަންނަ ސެޕްޓެމްބަރު 14 ގައި ބާއްވާ އެމީ އެވޯޑްސް ހޮސްޓްކުރާނެކަން ވެސް ކަށަވަރުކޮށްދީފައެވެ.
މީގެ އިތުރުން މި ހޫނު މޫސުމުގައި އޭނާ އަލުން އެސްވީޔޫގެ 28 ވަނަ ސީޒަނަށް ކެޕްޓަން އޮލިވިއާ ބެންސަންގެ ރޯލަށް އެނބުރިދާނެއެވެ.
މި ހުރިހާ ކަމެއް މިހާ ދިމާވުމަކީ އިއްތިފާގެއް ނޫނެވެ. މަރިޝްކާގެ މަންމަ ގެ ޙަޔާތުގެ މައްޗަށް އޭނާ އުފެއްދި "މައި މަމް ޖޭން" ޑޮކިއުމެންޓްރީއަށް މިހާރު ވަނީ އެމީ އެވޯޑަށް ނޮމިނޭޓްވެފައެވެ.
މަރިޝްކާގެ އުމުރުން އެންމެ 3 އަހަރުގައި ކާރު އެކްސިޑެންޓެއްގައި މަންމަ ނިޔާވުމުން ލިބުނު ހިތާމަތަކުން އަރައިގަތުމަށާއި، މަންމަގެ އަސްލު ސޫރަ ދުނިޔެއަށް ދައްކައިދިނުމަށް މި ފިލްމު ވެގެންދިޔައީ އޭނާއަށް ލިބުނު ބޮޑު ހިތްހަމަޖެހުމަކަށެވެ.
ފަހުގެ
