--
އިރުއެރުމާއި އިރުއޮއްސޭ މަންޒަރަކީ ހަމައެކަނި ބަލާލަން ރީތި މަންޒަރުތަކެއް ނޫނެވެ. ސައިންސްވެރިން ހާމަކުރާ ގޮތުގައި މި "ގޯލްޑަން އަވާ" ނުވަތަ ރަން ކުލަތަކުން ފުރިފައިވާ ވަގުތުތަކަކީ އިންސާނާގެ ސިކުނޑިއަށާއި، ނަފްސާނީ ދުޅަހެޔޮކަމަށް ބޮޑެތި ފައިދާތަކެއް ކުރާ ވަގުތުތަކެކެވެ.
މިފަދަ ކާއިނާތީ ބޮޑެތި މަންޒަރުތަކުން އިންސާނާއަށް ގެނެސްދޭ "އާޝޯޚުވުން" ނުވަތަ އަޖައިބުވުމުގެ އިހުސާސަކީ ނޭދެވޭ ވިސްނުންތަކާއި ހާސްކަމުގެ ބުރުތަކުން މީހާ ދުރުކޮށް، އަމިއްލަ ނަފްސު ދުނިޔޭގެ ބޮޑު ނިޒާމުގެ ތެރެއަށް ހަމަހިމޭންކޮށްލާ ކަމެކެވެ.
ދިރާސާތަކުން ދައްކާގޮތުގައި، އިރުއޮއްސޭ މަންޒަރު ބަލާލުމުން ލިބޭ ހިތްހަމަޖެހުމުގެ ސަބަބުން ސިކުނޑީގެ ހަނދާންގަދަވުމުގެ ބާރު އިތުރުވެ، މައުލޫމާތު ރައްކާކުރުމަށް އެހީތެރިވެދެއެވެ.
މީގެ އިތުރުން، މިފަދަ އުފާވެރި އިހުސާސްތަކުގެ ސަބަބުން ހަށިގަނޑުގައި އުފެދޭ އިންފްލެމޭޝަންގެ ނިޝާންތައް ދަށްކޮށްދެއެވެ. އަދި މީގެ ސަބަބުން ހަކުރު ބައްޔާއި، ހިތުގެ ބަލިތަކާއި، އަދި ޑިޕްރެޝަނަށް މަގުފަހިވާ މިންވަރު ކުޑަކޮށްދެއެވެ.
އަދި މިފަދަ މަންޒަރުތަކުން މީހާގެ ހިތް މަޑުމޮޅިވެ، އެހެން މީހުންނަށް އެހީތެރިވުމާއި އޯގާތެރިވުމުގެ ސިފަ އަށަގަންނަކަމަށްވެސް ސައިންސްވެރިން ބުނެއެވެ.
އިރުގެ ދައުރަކީ އިންސާނާގެ ނިދުމުގެ ބުރު ނުވަތަ ސްކޭޑިއަން ރިދަމް ކޮންޓްރޯލްކުރާ މައިގަނޑު ވަސީލަތެވެ.
އިރުއަރާ ވަގުތު ހަށިގަނޑުން ކޯޓިޒޯލް އުފައްދައި ނިދާ ހޯމޯން (މެލަޓޮނިން) ބްލޮކްކޮށްލާއިރު، އިރުއޮއްސޭ ވަގުތުގެ މަޑު ރަތް އަދި ރަން ކުލަތަކުން ސިސްޓަމް ހަމައަކަށް އަޅުވައި، ނިދަން ތައްޔާރުވުމަށް ސިގްނަލްދެއެވެ.
އެހެންކަމުން، ސައިންސްވެރިން ބުނަނީ އިންސާނާ އުފެދިފައިވަނީ އިރުއެރުމާއި އިރުއޮއްސުން، ފޮތެއްގެ ދެކޮޅު ފަދައިން ބަލައި، ދިރިއުޅުން ތަރުތީބުކުރުމަށް ކަމަށެވެ.
ފަހުގެ
