12 ވަނަ އޭޝިއަން އޯޕަން ވޯޓާރ ޗެމްޕިއަންޝިޕްގައި ވާދަކުރާ ރާއްޖޭގެ ގައުމީ ޓީމު އިންޑޮނޭޝިއާއަށް

އަންނަ ހަފުތާގައި އިންޑޮނޭޝިއާގައި ފެށުމަށް ހަމަޖެހިފައިވާ 12 އޭޝިއަން އޯޕަން ވޯޓާރ ސްވިމިންގ ޗެމްޕިއަންޝިޕްގައި ވާދަކުރާ ރާއްޖޭގެ ގައުމީ ޓީމު އިންޑޮނޭޝިއާއަށް ފުރައިފިއެވެ.

13 ޖޫން 2026 އިން 15 ޖޫން 2026 ގެ ނިޔަލަށް އިންޑޮނޭޝިއާގެ ބާލީގައި ބޭއްވުމަށް ހަމަޖެހިފައިވާ މި މުބާރާތުގައި މިއަހަރު ރާއްޖެ އިން ވާދަކުރާ ޓީމުގައި ހިމެނޭ ހުނަރުވެރި ފެތުންތެރިންނަކީ ޝައިމް ހުސެން އިބްރާހިމް، އިބްރާހިމް ޔުއާން ޝަމީމް، އަޔާނާ އަރީފް އަދި އަލްޔާ އަޝްރަފް އެވެ.މީގެ އިތުރުން، މިމުބާރާތުގައި ރާއްޖޭ ޓީމުގެ މެނޭޖަރެއްގެ ގޮތުގައި، ޝާދިޔާ ހަސަން ބައިވެރިވާއިރު، މިޓީމުގެ ކޯޗަކީ އިބްރާހިމް އަލީ އެވެ.