އަޟްޙާ އީދު ފާހަގަކުރުމަށް މިރޭ ވިލިމާލޭގައި ހަވާ އަރުވަނީ

މިއަހަރުގެ އަޟްޙާ އީދު ފާހަގަކުރުމުގެ ގޮތުން ވިލިމާލޭގައި ހަވާ އެރުވުމަށް ހަމަޖައްސާފައިވާ ކަމަށް އެމްއެންޑީއެފް އިން. ބުނެފި އެވެ.

އެމްއެންޑީއެފް އިން ބުނީ ހަވާއަރުވަނީ ވިލިމާލެއާ ދިމާލުން ބޭރުގައި މިރޭ 21:45 އަކާއި 22:15 އާ ދެމެދުގެ ވަގުތެއްގައި ކަމަށެވެ. އަދި ހަވާ އެރުވުން ކުރިއަށްދާނީ 5 މިނެޓަށް ކަމަށްވެސް އެމްއެންޑީއެފް އިން ބުންޏެވެ.

މި ފަހަރުގެ އަޟްޙާ އީދު މާލެ ސަރަހައްދާއި ރާއްޖެ ތެރޭގައި ދަނީ ކުލަގަދަކޮށް ފާހަގަކުރަމުންނެވެ. އަދި މާލެ ސަރަހައްދުން އެންމެ ކުލަގަދަކޮށް ސަގާފީ ހަރަކާތްތަކާއެކު އީދު ފާހަގަކުރީ ވިލިމާލޭގަ އެވެ.