ސްޓެލްކޯ މުވައްޒަފުންގެ މެދުގައި ލޭ ހަދިޔާކުރުމުގެ ޕްރޮގްރާމެއް ކުރިޔަށް ގެންގޮސްފި

ސްޓެލްކޯ މުވައްޒަފުންގެ މެދުގައި ލޭ ހަދިޔާކުރުމުގެ ޕްރޮގްރާމެއް ކުރިޔަށް ގެންގޮސްފި އެވެ.

އެކުންފުނީން މިއަދު ބުނީ މުޖުތަމައުގައި ލޭ ބޭނުންވެފައިވާ ފަރާތްތަކަށް އެހީތެރިކަން ފޯރުކޮށްދިނުމަށްޓަކައި، މޯލްޑިވިއަން ބްލަޑް ސާވިސަސްއާ ގުޅިގެން މިއަހަރުވެސް ޚާއްސަ ހަރަކާތެއް ކާމިޔާބުކަމާއެކު ކުރިއަށް ގެންގޮސްފައިވާ ކަމަށެވެ.

މި ހަރަކާތުގައި ކުންފުނީގެ ގިނަ އަދަދެއްގެ މުވައްޒަފުންނާއި އިސްވެރިން ވަނީ ބައިވެރިވެފައި އެވެ.

ސްޓެލްކޯއިން އަބަދުވެސް ގެންދަނީ ކުންފުނީގެ މުވައްޒަފުންނާއި ގުޅިގެން މުޖުތަމައުތައް ފައިދާކުރާނެ އެކި ހަރަކާތްތައް ކުރިޔަށް ގެންދަމުންނެވެ.

އެގޮތުން މިފަދަ ޕްރޮގްރާމުތަކަށް މުވައްޒަފުންގެ ފަރާތުން ބޮޑު ތަރުހީބެއް ލިބޭކަން އެކުންފުނީން ފާހަގަކުރެއެވެ.