logoEN
WAMCO TOP 1
އެތްލެޓިކޯ މެޑްރިޑާއި އާސެނަލްގެ ކުރިމަތިލުން އެއްވަރު

އެތްލެޓިކޯ މެޑްރިޑާއި އާސެނަލްގެ ކުރިމަތިލުން އެއްވަރު

ހަސަން ޝަމްއޫން

logo

4/30/2026, 3:11:13 AM

# އާސެނަލް# ބޭރު ދުނިޔޭގެ ކުޅިވަރު# އެތްލެޓިކޯ މެޑްރިޑް# ޔުއެފާ ޗެމްޕިއަންސްލީގު

އާސެނަލް އާއި އެތްލެކިޓޯ މެޑްރިޑް ވާދަކުރި މެޗުގެ ތެރެއިން...

ޔުއެފާ ޗްޕިއަންސް ލީގު ސެމީފައިނަލް ދެވަނަ މެޗުގެ، ފުރަތަމަ ލެގުގައި ރޭ ރަށުން ބޭރުގައި އާސެނަލް އިން އެތްލެޓިކޯ މެޑްރިޑާއި ދެކޮޅަށް ކުޅުނު މެޗު 1-1 ގެ ނަތީޖާއަކުން ދެޓީމު އެއްވަރުވެއްޖެ އެވެ.

THE TRAVELLER AD

މުބާރާތުގެ ސެމީފައިނަލުން އެތްލެޓިކޯ މެޑްރިޑް ޖާގަހޯދީ ކުއާޓާ ފައިނަލުގައި ވާދަވެރި ބާސެލޯނާ 3-2 ގެ އެގްރިގޭޓް ނަތީޖާއަކުން ބަލިކުރުމަށްފަހުއެވެ. އަދި އާސެނަލް ސެމީފައިނަލުން ޖާގަހޯދީ ކުއާޓާ ފައިނަލުގައި ޕޯޗުގަލްގެ ސްޕޯޓިންގ ލިޒްބަން 1-0 ގެ އެގްރިގޭޓް ނަތީޖާއަކުން ބަލިކުރުމަށްފަހު އެވެ.

މެޑްރިޑްގެ މެޓްރޮޕޮލިޓާނޯ ސްޓޭޑިއަމްގައި ކުޅުނު މިމެޗުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔައިރު، މިމެޗުގައި ފުރަތަމަ ލަނޑުޖަހައި ކުރިހޯދީ އާސެނަލް އިންނެވެ. މިލަނޑު ފުރަތަމަ ހާފުގެ 44 ވަނަ މިނެޓުގައި އެޓީމަށް ލިބުނު ޕެނަލްޓީއަކުން ކާމިޔާބުކޮށްދިނީ ވިކްޓަރ ގްޔޮކަރޭޒް އެވެ.

އެތްލެޓިކޯ މެޑްރިޑުން ނަތީޖާ އެއްވަރުކުރި ލަނޑު ދެވަނަ ހާފުގެ 56 ވަނަ މިނެޓުގައި އެޓީމަށް ލިބުނު ޕެނަލްޓީއަކުން ކާމިޔާބުކޮށްދީ އާޖެންޓީނާގެ ފޯވާޑް ޖޫލިއަން އަލްވަރޭޒް އެވެ. އަދި މީގެ އިތުރުން ވެސް މިހާފުގައި އެތްލެޓިކޯ މެޑްރިޑުން ވަނީ ލަނޑުޖަހާނެ ގިނަ ފުރުސަތުތަކެއް ތަނަވަސްކޮށްފައެވެ. ނަމަވެސް މެޗުގެ ކުޅުން ނިމިގެންދިޔައީ ދެޓީމުންކުރެ އެއްވެސް ޓީމަކަށް އިތުރު ލަނޑެއް ކާމިޔާބުނުކުރެވި 1-1 ގެ ނަތީޖާއަކުން ދެޓީމު އެއްވަރުވެފައި އޮވެގެންނެވެ.

މިދެޓީމުގެ މެދުގައި ކުޅެވޭ ސެމީފައިނަލް ދެވަނަ ލެގުގެ މެޗު އާސެނަލްގެ ދަނޑުގައި ކުޅުމަށް ހަމަޖެހިފައިވަނީ މެއި މަހުގެ ފަސްވަނަ ދުވަހުގެ ރޭ ރާއްޖެ ގަޑިން 00:00 ގައެވެ.

ކޮމެންޓް
ފަހުގެ
HDC