ފޭދޫ ސްކޫލްގައި ރޯވި އަލިފާންގަނޑު އެމްއެންޑީއެފް އިން ނިއްވާލައިފި

އައްޑޫ ސިޓީ ފޭދޫ ސްކޫލްގައި ރޯވި އަލިފާންގަނޑު އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނުން ނިއްވާލައިފި އެވެ.

އެމްއެންޑީއެފް އިން ބުނީ އަލިފާން ރޯވެފައިވަނީ އައްޑޫ ސިޓީ ފޭދޫ ސްކޫލް ލައިބްރަރީ ބޭރުގައި ކަމަށެވެ.

އެމްއެންޑީއަފް އަށް މި ހާދިސާގެ މައުލޫމާތު މިއަދު 8:20 ހާއިރު ލިބުމާއެކު، އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނުގެ ފަޔަރފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތްކޮށްފައިވާ ކަމަށް އެމްއެންޑީއެފް އިން ބުންޏެވެ. އަދި ފަޔަރފައިޓަރުން ކުރި މަސައްކަތުން އަލިފާންގަނޑު ނިއްވާލެވުނީ މިއަދު 08:56 ހާއިރު ކަމަށްވެސް އެމްއެންޑީއެފް އިން ފާހަގަކުރި އެވެ.

ފޭދޫ ސްކޫލްގައި ރޯވި އަލިފާންގަނޑު- ފޮޓޯ: އެމްއެންޑީއެފް

އަލިފާން ރޯވެފައިވަނީ އެވަގުތުގައި އެތަނުގައި ސްކޫލު ދަރިވަރުން ކިޔަވަމުން ދިޔަ ވަގުތުގަ އެވެ. އަދި އެތަނުގައި ހުރި ފޮތްތަކެއްވެސް ވަނީ ބޭނުން ނުކުރެވޭ ވަރަށް އަނދާފަ އެވެ.