މާލެއާއި ހުޅުމާލޭގައި ވައްކަމާއި ފޭރުމުގެ މައްސަލަތަކުން 6 ލައްކަ ރުފިޔާ ހޯދައިފި

މާލެ އާއި ހުޅުމާލޭގައި ވައްކަމާއި ފޭރުމުގެ މައްސަލަތަކުން ޖުމްލަ 619،048 ރުފިޔާ ފުލުހުންގެ ހިދުމަތުން ހޯދައިފި އެވެ.

ފުލުހުން ނެރިފައިވާ ތަފާސްހިސާބުތަކުން ދައްކާގޮތުގައި މި މަހުގެ 15 އިން ފެށިގެން 21 ގެ ނިޔަލަށް ގަލޮޅު، ހެންވޭރު، މާފަންނު، ހުޅުމާލެ ފޭސް އަދި 2 އިން ޕޮލިސިންގް ޓީމުތަކުގެ އެހީގައި ޖުމްލަ 619,048 ރުފިޔާ ހޯދާފައިވާއިރު، އޭގެތެރެއިން މާލެ ގަލޮޅު، ހެންވޭރު އަދި މާފަންނުން 335،338 ރުފިޔާ ހޯދާފައިވާއިރު، ހުޅުމާލެ ފޭސް 1 އަދި 2 އިން ހޯދާފައިވަނީ 283،710 ރުފިޔާ އެވެ.

މީގެތެރެއިން މާލެ ގަލޮޅު ޕޮލިސް ސްޓޭޝަނުން 173،800 ރުފިޔާ ހޯދާފައިވާއިރު، ހެންވޭރު ޕޮލިސް ސްޓޭޝަނުން 95،894 ރުފިޔާ އަދި މާފަންނު ޕޮލިސް ސްޓޭޝަނުން 65،644 ރުފިޔާ ވަނީ ޕޮލިހުން ވަނީ ހޯދާފަ އެވެ. އަދި ހުޅުމާލެ ފޭސް 1 އިން 181،910 ރުފިޔާ ހޯދާފައިވާއިރު، ފޭސް 2 އިން ހޯދާފައިވަނީ 101،800 ރުފިޔާ ވަނީ ހޯދާފަ އެވެ.

ފުލުހުން ބުނީ މިއީ ފޭރުމާއި ވައްކަމުގެ ފައިސާގެ އަދަދާއި، ވައްކަމާއި ފޭރުމުގެ މައްސަލަތަކާ ގުޅިގެން ހޯދި މުދަލުގެ އަގުވެސް ހިމެނޭ ކަމަށެވެ.