އެސޯސިއޭޝަން ޗެމްޕިއަންޝިޕް: 15 އަހަރުންދަށުގެ އަންހެން ޗެމްޕިއަންކަން އަނުމް ހޯދައިފި

ކެރަމް އެސޯސިއޭޝަން އޮފް މޯލްޑިވްސްގެ ފަރާތުން އިންތިޒާމުކޮށްގެން މިހާރު ކުރިއަށްދާ 13 ވަނަ އެސޯސިއޭޝަން ޗެމްޕިއަންޝިޕް ކެރަމް މުބާރާތުގެ ޖޫނިއާ އަންހެން 15 އަހަރުންދަށް ސިންގަލް ޗެމްޕިއަންކަން އަނުމް އަހުމަދު ވަސީމް ހޯދައިފިއެެވެ.

ހުޅުމާލޭ ކެރަމް ހޯލުގައި ބުރާސްފަތި ބުރާސްފަތި ދުވަހު މެންދުރު ކުޅުނު ފައިނަލުގައި 15 އަހަރުންދަށުގެ އަންހެން ސިންގަލް ފައިނަލުގައި ސޯފިއާ ނައުރާ ޝިފާއު އާއި ވާދަކޮށް އަނުމް ޗެމްޕިއަންކަން ހޯދީ ފަސޭހަކަމާއެކު 0-25 ގެ ތަފާތުބޮޑު ނަތީޖާއަކުން މެޗު ކާމިޔާބުކޮށްގެންނެވެ.

މުބާރާތުގެ ފައިނަލުން ސޯފިއާ ޖާގަހޯދީ ސެމީފައިނަލް ފުރަތަމަ މެޗުގައި ފަސޭހަކަމާއެކު 22-09 ގެ ނަތީޖާއަކުން ފާތުމަތު ޝާނާ އަސަދު ބަލިކުރުމަށްފަހު އެވެ. އަދި އަނުމް ފައިނަލުން ޖާގަ ހޯދީ ސެމީފައިނަލް ދެވަނަ މެޗުގައި ފަސޭހަކަމާއެމު 25-10 ގެ ތަފާތުބޮޑު ނަތީޖާއަކުން އައިޝަތު އަލީޝާ ނާފިއު ބަލިކުރުމަށްފަހު އެވެ.

އެޕްރީލް 15 އިން ފެށިގެން ހުޅުމާލޭ ކެރަމް ހޯލުގައި ކުރިއަށްދާ މިމުބާރާތުގެ ޖޫނިއާ 15 އަހަރުން ދަށުގެ އަންހެން ކެޓަގެރީގައި 10 ކުޅުންތެރިން ވާދަކޮށްފައިވާއިރު، މި އުމުރުފުރާގެ މެޗުތައް ކުރިއަށް ގެންގޮސްފައިވަނީ ސިންގަލް އެލިމިނޭޝަން އުސޫލުންނެވެ.