އެމްޑަބްލިއުއެސްސީގެ އެމްޑީ ކަމަށް ފަހުމީ

މޯލްޑިވްސް ވޯޓަ އެންޑް ސްވަރޭޖް ކޮމްޕެނީ (އެމްޑަބްލިއުއެސްސީ)ގެ މެނޭޖިންގ ޑިރެކްޓަރ ކަމަށް ހުސެއިން ފަހުމީ މިއަދު އައްޔަނު ކޮށްފިއެވެ.

ފަހުމީ މި މަގާމަށް އައްޔަނު ކުރީ ޕްރައިވަޓައިޒޭޝަން އެންޑް ކޯޕޮރަޓައިޒޭޝަން ބޯޑުންނެވެ.

އެމްޑަބްލިއުއެސްސީގެ އެމްޑީ ކަމުގެ މަގާމު ހުސްވީ، އެ މަގާމުގައި ހުންނެވި ބޭފުޅާ އިސްތިއުފާ ދެއްވުމާ ގުޅިގެންނެވެ.

ސްޓެލްކޯގައި 27 އަހަރު ހިދުމަތް ކުރެއްވިފަހުން ފަހުމީ ވަނީ ސްޓެލްކޯގެ މެނޭޖިންގ ޑިރެކްޓަރު ކަމުގެ މަގާމުވެސް އަދާކުރައްވާފައެވެ.

ސްޓެލްކޯގެ މެނޭޖިންގ ޑިރެކްޓަރުކަމުގެ ފަހުން މިހާތަނަށް ފަހުމީ ހުންނެވީ ރައީސުލްޖުމްހޫރިއްޔާގެ އޮފީހުގެ މިނިސްޓަރެއްގެ މަޤާމުގައެވެ.