ފްލައިދުބާއީން ފުރަތަމަ ފަހަރަށް ރާއްޖެއަށް ކާގޯ ދަތުރުތަކެއް ފަށަނީ

ފްލައި ދުބާއި އިން ދުބާއީ އާއި ރާއްޖެއާ ދެމެދު ފުރަތަމަ ފަހަރަށް ކާގޯ ދަތުރުތަކެއް ބާއްވަން ތައްޔާރުވެއްޖެއެވެ.

ފްލައިދުބާއީގެ ރާއްޖޭގެ އެޖެންޓް، އޭސް އޭވިއޭޝަން ސާވިސަސް މޯލްޑިވްސްގެ މެނޭޖިން ޑިރެކްޓަރު މުޙައްމަދު ފިރާޤް ވިދާޅުވީ، ފްލައި ދުބާއީން މާލެއާ ދެމެދު ކާގޯ ދަތުރުތައް ފެށުމަށް ހަމަޖެހިފައިވަނީ މިމަހުގެ 16 ވަނަ ދުވަހު ކަަމަށެވެ.

އޭޕްރިލް 15-29އަށް ބާއްވާ މި ދަތުރުތައް ފެށުމަށް މޯލްޑިވްސް ސިވިލް އޭވިއޭޝަން އޮތޯރިޓީން އިއްޔެ ވަނީ ހުއްދަ ދީފައެވެ.

ފިރާޤު ވިދާޅުވީ، މެދުއިރުމަތީ ހަނގުރާމައިގެ މި ދަތި އުނދަގޫ ދަނޑިވަޅުގައި ފްލައިދުބާއީން އިސްނަގައިގެން މިފަދަ ދަތުރުތަކެއް ފެށުމަކީ ވަރަށް ބޮޑަށް ބަލައިގަންނަ ކަމެއް ކަމަށެވެ.