ތުރުކީގެ ވައިގެ ސަރަހައްދަށް ވަތް އިރާނުގެ މިސައިލެއް ނޭޓޯއިން ވައްޓާލައިފި

އިރާނުން ފޮނުވާލި ކަމަށްބުނާ މިސައިލެއް ތުރުކީގެ ވައިގެ ސަރަހައްދުން ވައްޓާލައިިފި އެވެ.

ތުރުކީގެ ވައިގެ ސަރަހައްދަށް ވަތް އީރާނުން ފޮނުވާލި މިސައިލެއް އެގައުމުގެ ވައިގެ ދިފާއީ ބާރުތަކުން ހުއްޓުވާފައިވާ ކަމަށް މީގެ ކުރީން މީޑީއާތަކުން ވަނީ ރިޕޯޓުކޮށްފައެވެ. ނަމަވެސް މިކަމާއި ގުޅިގެން ނޭޓޯއިން ރަސްމީ ބަހެއް ބުނީ ދެންމެ އެވެ.

ނޭޓޯގެ ތަރުޖަމާނަކު ސޯޝަލް މީޑިއާގައި ކުރި ޕޯސްޓެއްގައި ބުނެފައިވަނީ ތުރުކިޔޭއަށް ދަތުރުކުރަމުން ދިޔަ އީރާނުގެ ބެލިސްޓިކް މިސައިލެއް ނޭޓޯއިން އަނެއްކާވެސް ކާމިޔާބުކަމާއެކު ހުއްޓުވާފައިވާ ކަމަށެވެ.

"ނޭޓޯ އޮތީ މިފަދަ އިންޒާރުތަކަށް ތައްޔާރަށް، އަބަދުވެސް ހުރިހާ އެކުވެރި ގައުމުތަކެއް ދިފާއު ކުރުމަށް ކުރަންޖެހޭ ކަންތައްތައް ކުރާނެ."

ތުރުކީއަށް އަމާޒުކޮށް މިސައިލް ހަމަލާއެއް ފޮނުވާލިކަން އަދި މިހާތަނަށް އިރާނުން ހާމައެއް ނުކުރެއެވެ.