ރަސް ލައްފާން ފެސިލިޓީއަށް ލިބުނު ގެއްލުންތަކާއިއެކު އިޓަލީއައި ޗައިނާ ހިމެނޭހެން އެލްއެންޖީ އެކްސްޕޯޓު ކުރުމަށް ހަދާފައިވާ ބައެއް އެއްބަސްވުންތައް ގަތަރުން މެދުކަނޑާލައިފި

ގަތަރުގެ ރަސް ލައްފާން ގޭސް ޕްލާންޓަށް ލިބުނު ގެއްލުންތަކާއިއެކު ގަތަރު އެނާޖީން ގޭސް އެކްސްޕޯޓުކުރުމަށް ހަދާފައިވާ ބޮޑެތި އެއްބަސްވުންތައް މެދުކަނޑާލާފައިވާކަން ހާމަކޮށްފި އެވެ.

ގަތަރުއެނާޖީން ބުނީ މި މަހުގެ 19 އަދި 18 ވަނަ ދުވަހު އިރާނުން ދިން ރޮކެޓު އަދި މިސައިލް ހަމަލާތަކުގައި އެގައުމުގެ މައި ގޭސް ފެސިލިޓީއެއް ކަމަށްވާ ރަސް ލައްފާނަށް ބޮޑެތި ގެއްލުންތަކެއް ލިބިފައިވާ ކަމަށާއި މިކަމާއި ގުޅިގެން ގޭސް އެކްސްޕޯޓުކުރުމަށް ގައުމުތަކާއިއެކު ހަދާފައިވާ ބޮޑެތި އެއްބަސްވުންތައް މެދުކަނޑާލާފައިވާ ކަމަށެވެ.

މިގޮތުން އިޓަލީ، ބެލްޖިއަމް، ދެކުނު ކޮރެއާ އަދި ޗައިނާއާއެކު ހަދާފައިވަނީ އެލްއެންޖީ ކޮންޓްރެކްޓްތަކުގައި ފޯސް މެޖޫއާ ރަސްމީކޮށް މިއަދު ގަތަރުން ވަނީ އިއުލާނުކޮށްފައެވެ.

ގަތަރު އެނާޖީއިން އިތުރަށް ބުނީ މި ހަމަލާތަކާއި ގުޅިގެން އެ ޕްލާންޓުތައް މަރާމާތުކުރުމަށް ދިގު މުއްދަތެއް ނަގާނެ ކަމަށާއި ލިބުނު ގެއްލުންތައް އެސެސް ކުރުމުގެ މަސައްކަތް އަދިވެސް ކުރަމުންދާކަމަށެވެ.

އިތުރު ތަފްސީލް އަންނަނީ ..